Rýstam Ahmetov QR UEM Básekelestikti qorǵaý jáne damytý komitetiniń tóraǵasy bolyp taǵaiyndaldy, dep habarlaidy primeminister.kz.
Qazaqstan Respýblikasynyń Ulttyq ekonomika ministriniń buiryǵymen Ahmetov Rýstam Nurlanuly QR Ulttyq ekonomika ministrliginiń Básekelestikti qorǵaý jáne damytý komitetiniń tóraǵasy bolyp taǵaiyndaldy.
Rýstam Ahmetov 1978 jyly 22 aqpanda Qaraǵandy oblysy Temirtaý qalasynda týǵan. 1999 jyly Qazaq memlekettik zań ýniversitetin bitirgen.
Eńbek jolyn 1999 jyly QR Memlekettik kirister ministrliginiń kinárat-qýynym jumysy bóliminiń jetekshi mamany bolyp bastady. 2001 jyly Qazaqstan Respýblikasy Prezident Ákimshiliginiń memlekettik-quqyqtyq bóliminiń aǵa referenti qyzmetine qabyldandy. Túrli jyldary QR Prezident Ákimshiliginiń memlekettik-quqyqtyq bóliminiń keńesshisi, zańnama jáne quqyqtyq saraptama bóliminiń bas sarapshysy, sektor meńgerýshisi bolyp jumys istedi. 2011 jyly Qazaqstan Respýblikasy Tabiǵi monopoliialardy retteý agenttiginiń jaýapty hatshysy qyzmetine taǵaiyndaldy. 2014 jyldyń tamyz aiynan 2017 jyldyń sáýir aiynyń aralyǵynda QR UEM Tabiǵi monopoliialardy retteý jáne básekelestikti qorǵaý komiteti tóraǵasynyń orynbasary boldy.
2017 jylǵy sáýir aiynan qazirge deiin QR Ulttyq ekonomika ministrliginiń Tabiǵi resýrstardy retteý, básekelestikti jáne tutynýshylardyń quqyqtaryn qorǵaý komiteti tóraǵasynyń orynbasary laýazymyn atqardy.
