Foto: gov.kz
Erlan Áljan Básekelestikti qorǵaý jáne damytý agenttigi tóraǵasynyń orynbasary bolyp taǵaiyndaldy, - dep habarlaidy "Ult aqparat" Aqordanyń resmi saityna silteme jasap.
"Memleket basshysynyń ókimimen Erlan Ibragimuly Áljan Qazaqstan Respýblikasynyń Básekelestikti qorǵaý jáne damytý agenttigi tóraǵasynyń orynbasary laýazymyna taǵaiyndaldy", - delingen habarlamada.
Erlan Áljan 2008 jyly quqyqtaný mamandyǵy boiynsha "Bolashaq" Qaraǵandy ózekti bilim berý institýtyn, 2014 jyly qarjy mamandyǵy boiynsha "Bolashaq" Qaraǵandy ýniversitetin, 2018 jyly zań ǵylymdarynyń magistri mamandyǵy boiynsha Aimaqtyq áleýmettik-innovatsiialyq ýniversitetin bitirgen.
Eńbek jolyn 2009 jyly Qaraǵandy qalasy boiynsha Ádilet basqarmasynyń halyqty qujattandyrý jáne tirkeý bóliminiń jetekshi mamany bolyp bastaǵan.
2011 jyldan bastap 2012 jylǵa deiin Qaraǵandy oblysynyń oblystyq sot keńsesiniń № 2 Shet aýdandyq soty keńsesi sot otyrysynyń bas mamany-hatshysy bolǵan.
2012 jyldan bastap 2013 jylǵa deiin Básekelestikti qorǵaý agenttiginiń Qaraǵandy oblysy boiynsha Monopoliiaǵa qarsy inspektsiiasynyń tergeý jáne quqyqtyq qamtamasyz etý bóliminiń bas mamany bolyp jumys istegen.
2013 jyldan bastap 2014 jylǵa deiin Básekelestikti qorǵaý agenttiginiń (Monopoliiaǵa qarsy agenttik) Zań qyzmeti departamentiniń talap-aryz jumysy basqarmasynyń sarapshysy, bas sarapshysy qyzmetterin atqarǵan.
2014 jyldan bastap 2019 jylǵa deiin Ulttyq ekonomika ministrliginiń Tabiǵi monopoliialardy retteý jáne básekelestikti qorǵaý komiteti Baqylaý jáne narazylyq-talap aryz jumysy basqarmasynyń bas sarapshysy, basshysy bolǵan.
Ol osyǵan deiin Básekelestikti qorǵaý jáne damytý agenttiginiń Tergep-tekserýler departamentin basqarǵan.
