Foto: Qazaqstan fýtbol federatsiiasy
Fýtboldan Qazaqstan ulttyq quramacynyń bas jattyqtyrýshysy - reseilik Magomed Adiev «Rabinerv» YouTube-arnasyna bergen suhbatynda Eýropa chempionatyna irikteý týrnir aiaqtalǵan soń, Qazaqstan azamattyǵyn alýy múmkin ekenin aitty, dep habarlaidy Halyq Uni portaly.
"Qazaqstan fýtbol federatsiiasy meniń osy eldiń azamaty bolǵanymdy qalap otyr. Estýimshe, federatsiia osy áńgimeni ári qarai qozǵap, úlken sheneýnikterge, Mádeniet jáne sport ministrine aitqysy kelip otyrǵan kórinedi. Biraq men azamattyq týraly túpkilikti sheshim qabyldaǵan joqpyn. Azamattyq alý kerek pe, kerek emes pe, ony men ózim bilemin ǵoi. Al eger maǵan azamattyq berilip jatsa, ol endi men úshin zor mártebe, úlken qýanysh", – dedi ol.
Onyń aitýynsha, Resei Federatsiiasynyń azamaty retinde Eýropa elderi men basqa da memleketterge viza alý ońai emes. Sol úshin Federatsiia tezdetip Qazaqstan azamattyǵyn alyp bergisi keledi. Biraq dál qazir ol azamattyq týraly oilaǵysy kelmeidi.
"Qazir men azamattyq týraly oilap júrgen joqpyn. Federatsiia basshylyǵyna Eýropa chempionatyna irikteý týrniri aiaqtalǵansha azamattyq máselesin aitpaýdy ótindim. Odan keiin Qazaqstan azamaty bolamyn ba, bolmaimyn ba, ony ózim bilemin.
Árine, qazir maǵan ǵana emes, Reseidiń barlyq halqyna ońai emes. Eger azamattyq alsaq, «Mine, kórdińder me, elden taǵy bir adam qashty», dep aitady. Al elden qashý degen meniń tabiǵatymdy múldem joq. Men ondai adam emespin. Kezinde sheshen soǵysynda da qazirgidei jaǵdai bolǵan joq. Sondyqtan maǵan azamattyq alý degen ońai sharýa emes. Qazaqstanda qos azamattyqqa ruqsat berilmeidi. Bul jerde oǵan qatań tyiym salynǵan", – dedi Adiev.
Bas jattyqtyrýshynyń aitýynsha, ázirshe ol Eýropa elderine viza alyp júr. Biraq komandanyń basqa músheleri siiaqty emes, vizany uzaq kútedi. Ol úshin hat jazyp, biraz ýaqytyn ketiredi.
"Viza alý ońai emes. Meniń ákem Almatyda týǵan. Bizdiń otbasymyz birshama ýaqyt Almatyda turǵan. Sol úshin azdap jeńildik bolyp jatyr. ÝEFA sony da eskerip jatyr eken. Endi Finliandiiamen, Daniiamen jáne Sloveniiamen oiynǵa viza beretin shyǵar. Soǵan úmittenemin", – dedi Magomed Adiev.
Aita keteiik, qazir Resei azammattaryna Eýropa elderine viza alý máselesi ońai bolmai jatyr. Máselen, jaqynda Armeniianyń «Piýnik» klýbynda oinaityn Reseidiń Mihail Kovalenko degen fýtbolshysyna Estoniiaǵa viza berilmegen. Sonyń kesirinen ol Konferentsiia ligasynyń matchtarynan qalýǵa májbúr bolǵan. Sol siiaqty byltyr Germaniianyń «Baier» klýbynyń qaqpashysy Andrei Lýnev te Ulybritaniiaǵa viza ala almaǵan.
