Qazaqstanda koronavirýs infektsiiasynan qaitys bolǵandardy jerleý algoritmi jariialandy, dep habarlaidy "Ult aqparat".
Bul týraly QR Bas sanitarlyq dárigeri Aijan Esmaǵambetova jańa qaýlysynda tapsyrma berdi.
«Algoritmge sáikes, máiitti týystaryna berýge bolmaidy. Jaqyn týystarǵa ǵana 3 metr qashyqtyqta qoshtasýǵa 30 minýt ýaqyt beriledi. Jerleý rásimine bir ǵana dini qyzmetker qatysady», - dedi bas sanitarlyq dáriger Ortalyq kommýnikatsiialar qyzmetindegi brifingide.
Onyń aitýynsha, jerleý rásimi sanitarlyq-epidemiialyq qyzmettiń qyzmetkerdiń baqylaýymen jáne jergilikti atqarýshy organnyń qatysýymen ótedi jáne epidemiiaǵa qarsy barlyq sharalar qatań saqtalady.
Eske sala ketsek, atalǵan qaýlynyń qosymshasyna sáikes, COVID-19-ǵa kúdikti adam qaitys bolǵanda epidemiologiialyq tekserý jáne osy jaǵdaiǵa bailanysty basqa da is-sharalar epidemiiaǵa qarsy rejim talaptaryn saqtai otyryp tez arada júrgiziledi.
