© Sputnik / Vladislav Vodnev
Qazaqstannyń bas memlekettik sanitar dárigeri Aijan Esmaǵambetova sailaýǵa betperde kiip barýǵa keńes berdi, dep habarlaidy Sputnik Qazaqstan.
Resmi málimetke sáikes, barlyq óńir koronavirýs boiynsha "jasyl" aimaqqa kiredi. Respýblikada kún saiyn virýs juqtyrǵan 70 adam tirkeledi. Al jiti respiratorlyq virýstar men tumaý kúsheiip keledi.
Osy ýaqytqa deiin myńnan astam adamnyń tumaý juqtyrǵany zerthanalyq taldaýmen dáleldense, bir millionnan astam adam respiratorlyq infektsiia juqtyrǵan. Olardyń arasynda balalar da az emes.
"Qazir koronavirýs boiynsha jaǵdai turaqty, biraq biz respiratorlyq infektsiialar men tumaý maýsymy aiaqtalǵan joq. Virýsty juqtyrý joldary birdei. Odan qorǵaný sharalary da uqsas. Qazir betperdeni kiiýge mindet joq. Biraq árbireýimiz tumaýdyń erte bastalǵanyn eskerip, saqtyq sharalaryn umytpaýymyz kerek. Demek, kez kelgen sailaýshy betperde kiip, daýys bere alady", - dedi Esmaǵambetova ortalyq sailaý komissiiasynda ótken brifingte.
Sanitarlyq departament sailaý komissiialaryna da betperde kiiýge keńes berdi. Sebebi ýchaske arqyly kóp adam ótedi, virýsty juqtyrý qaýpi joǵary.
