Qazaqstanda kez kelgen adam koronavirýsqa qarsy tolyq vaktsinatsiiadan ekinshi ret óte alady. Bas sanitarlyq dáriger tiiti qaýlyǵa qol qoidy, dep habarlaidy Sputnik Qazaqstan.
Negizgi talapqa sáikes, sońǵy vaktsinatsiiadan keiin, kem degende, 3 ai ótýi kerek. Sol kezde koronavirýsqa qarsy ekpeniń eki dozasyn saldyrýǵa ruqsat bar.
"KVI-ge qarsy, onyń ishinde Dúniejúzilik densaýlyq saqtaý uiymy maquldaǵan vaktsinalarmen vaktsinatsiialaýdyń tolyq kýrsyn qaita júrgizýge jol beriledi", - delingen qaýlyda.
Sondai-aq, koronavirýsqa qarsy vaktsinatsiialaýdyń tolyq kýrsyn qaita alý úshin ekpe saldyratyn adam nemese onyń zańdy ókilderi profilaktikalyq egýlerdiń qaitalama kýrsyn júrgizýge jazbasha kelisimin berýi kerek.
Aita keteri, buǵan deiin revaktsinatsiianyń tolyq kýrsy tek belgili bir sanattarǵa ǵana jasalǵan.
Olar:
- shetelge shyǵatyndar;
- "Bolashaq" halyqaralyq stipendiiasynyń iegerleri;
- sheteldiń joǵary oqý oryndaryna túsken stýdentter;
- shetelde em alatyn patsientter.
