QR Densaýlyq saqtaý vitse-ministri – bas memlekettik sanitar dáriger Erlan Qiiasov Qazaqstandaǵy mereke aldyndaǵy epidahýalǵa baǵa berdi, dep habarlaidy "Ult aqparat".
«Jalpy Qazaqstandaǵy epidemiologiialyq ahýal turaqty. Ózderińiz biletindei, qazir elimizde eki óńir «qyzyl» aimaqta tur. «Sary» aimaqta taǵy bes oblys bar. Qalǵan óńirlerdiń bári de - «jasyl» aimaqta. Álbette, eshqandai óńir «qyzyl» aimaqqa túsip qalmas úshin tiisti jumysty júrgizip jatyrmyz. Ministrdiń ózi buǵan deiin aitqandai, qazir optimistik stsenariidi baqylap otyrmyz», - dedi Erlan Qiiasov Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, aldaǵy kúnderi qandai da bir shekteý sharalary engizilmeidi.
«Qazirgi shekteý sharalary kúshinde bolady. Biz «qyzyl» aimaqtarǵa jazyp bergen talaptar men shekteýler sol kúiinde saqtalady. Jalpy merekeni árkim óz otbasynda ótkizgenin qalaitynymyzdy aitqan edik. Ózderińiz biletindei, AQSh-ta rizashylyq kúninen keiin aýrý juqtyrǵandardyń sany kúrt ósip ketti. Sol sebepti azamattarymyzdy sapardy keiinge shegerip, korporativ keshin ótkizbeýge shaqyramyz. Qaýlyǵa sáikes mundai is-sharalardy ótkizýge bolmaidy», - dedi vitse-ministr.
