«Bizdiń masalar aýrý juqtyrmaidy. Kóp bolsa, allergiia týǵyzýy múmkin». Ortalyq kommýnkatsiialar qyzmetinde ótken brifingte QR Bas memlekettik sanitariialyq dárigeri Jandarbek Bekshin osylai aitty, dep habarlaidy QazAqparat tilshisi.
Brifing barysynda Nur-Sultan qalasynda biyl masalar shabýyly jiilep ketkeni týraly birneshe saýal qoiylǵan bolatyn. Bas sanitar masamen kúres sharalary biyldan bastap QR Densaýlyq saqtaý ministrliginen jergilikti ákimdikterdiń mindetine berilgenin atady.
«Qala kúniniń aldynda ǵana elordada nóser jaýyndar bolǵany esterińizde shyǵar. Sol jaýynnyń saldarynan masalar erekshe qaptap tur», - deidi Jandarbek Bekshin.
Ol sondai-aq, masamen kúreste dári shashýmen shektelmei, jańa tásilder izdeý qajettigin de atady.
«Bir aita ketetin dúnie, bizdiń masalar aýrý juqtyrmaidy. Kóp bolsa, allergiia týǵyzýy múmkin. Al tropikalyq elderde bezbekter men qyzbalardyń kóbi osy masalardan juǵyp jatady. Sondyqtan shetelge barǵan kezde ornalasqan úiińizdiń terezesinde shybyn-shirkeige qarsy tor qurylǵanyna kóz jetkizý qajet. Syrtqa shyqqan kezde ashyq tústi kiim kigen durys. Ondai kiimnen denege qandai jándik qonǵanyn birden ańǵarýǵa bolady», - deidi Jandarbek Bekshin.
Bas sanitar biyl Qazaqstanda kene qaýpi jaz boiy saqtalatynyn da aitty.
«Biyl el aýmaǵynda kenelerdiń belsendiligi jaz boiy saqtalatyn túri bar. Jylda keneler kóktemniń sońǵy aiy men jazdyń birinshi aiynda ǵana taralatyn. Biyl jaz jańbyrly bolyp tur. Bul olardyń taralýyna óte qolaily. Sondyqtan, biyl jaz boiy kene qaýpi saqtalady», - dedi ol.
Sondai-aq, ol qazaqstandyq týristerge qai elderge barý qaýipti ekendigin aitty.
Ortalyq kommýnikatsiialar qyzmetinde ótken brifingte bas sanitar qazaqstandyq týrister úshin Batys Afrika elderine barýdyń táýekelderi kóp ekenin eskertti.
«Eń birinshi men otandyq týristerge Madagaskar memleketine barýǵa keńes bermes edim. Onda oba qatty taralyp jatyr. Odan keiin Kongo demokratiialyq memleketine barmaý kerek. Ebola, Kongo-Qyrym gemorragiialyq qyzbasy, sary qyzba siiaqty aýrýlar kóp taralǵan. Batys Afrikanyń ózge de elderine barýdan tartyný qajet. Braziliiada da denge, ebola, sary qyzba indetteri tirkelip jatyr. Ásirese sary qyzba juqtyrý qaýpi joǵary. Degenmen, infektsiiaǵa beiim eki el retinde Madagaskar men Kongo demokratiialyq memleketin atar edim», - dedi Jandarbek Beshkin.
Onyń aitýynsha, sońǵy eki jylda Qazaqstanǵa Tailand, Úndistan, Singapýr jáne Vetnam elderinen Kongo-qyzbasynyń tasymaldanýy 10 ret, denge qyzbasynyń tasymaldanýy 9 ret tirkelgen.
«DDU asa qaýipti infektsiialar boiynsha álemde shielenisken jaǵdai saqtalatynyn aityp otyr. Byltyr 300 myń tyrysqaq tirkelip, 900 adam ólgen. 200-den astam kúidirgi, 500-ge jýyq Kongo-Qyrym gemorragiialyq qyzbasy, 200-den astam sary qyzba, 300 myńǵa jýyq denge qyzbasy tirkelgen», -dedi komitet ókili.
