Qazaqstan reprodýktivti meditsina qaýymdastyǵynyń prezidenti, Qazaqstannyń bas reprodýktology Viachaslav Lokshin júkti áielderge koronavirýstyń áseri týraly aitty, dep habarlaidy QazAqparat.
«Júkti áielder COVID-19 indetin qiyn eńseredi. Sondyqtan onyń bir ǵana balamasy bar, iaǵni júkti bolǵanǵa deiin vaktsinalanǵan jón. Qarsy kórsetilimder bolmasa, ekstrakorporaldy uryqtandyrý (EKU) baǵdarlamasyna daiyndalyp júrgen patsientterge vaktsinanyń eki dozasyn alýǵa keńes beremiz. Ekinshi ekpeden keiin bir aidan soń olar EKU baǵdarlamasyna qatysa alady. Sonymen qatar, júktilikti josparlap júrgen erli-zaiyptylarǵa da osyndai keńes beremiz», - dedi Viachaslav Lokshin Ortalyq kommýnikatsiialar qyzmetinde.
Onyń aitýynsha, eger áiel adam júkti ekenin bilmei vaktsina saldyrsa, onda júktilikti toqtatý boiynsha áreketke barmaý kerek.
«Tiisti skriningter bar jáne sonyń barasynda barlyǵyn kórýge bolady. Tájiribe kórsetkendei, jeńil simptomdy formada koronavirýspen aýyrǵan áielderdiń jaǵdaiy jaqsy bolady, náreste indet juqtyrmai dúniege keledi. Sondyqtan EKU baǵdarlamasyna, júktilikke daiyndalyp júrgenderdi vaktsinalaýdyń tolyq kýrsynan ótýge shaqyramyn», - dedi Lokshin.
