Quqyqtyq statistika organdarymen memlekettik qyzmettiń 3 túri kórsetiledi: sottylyqtyń bolýy týraly anyqtama, muraǵattyq anyqtama jáne prokýratýra organdarynan, tergeý jáne anyqtaý organdarynan shyǵatyn resmi qujattarǵa apostil qoiý týraly anyqtama berý. El Prezidentiniń memlekettik qyzmetti elektrondyq formatqa kóshirý boiynsha tapsyrmasyn iske asyrý sheńberinde komitet memlekettik qyzmettiń úsh túrin avtomattandyrý jáne ońtailandyrý jóninde birqatar is-sharalar júrgizdi.
Sonymen, «Sottylyqtyń bolýy nemese bolmaýy týraly anyqtama berýde» memlekettik qyzmet tolyq avtomattandyryldy. Qujattardy qabyldaý jáne memlekettik qyzmetterdi kórsetý nátijesin berý www.egov.kz «Elektrondyq úkimet» veb-portaly (ári qarai – portal) arqyly alternativti túrde de, sonymen birge anyqtamany qaǵaz úlgisinde alý qajet bolǵan jaǵdaida Memlekettik korporatsiia arqyly júzege asyrylady. Sonymen birge, qyzmetterdi ońtailandyrý sheńberinde azamattarǵa jyljymaly júieniń abonenttik qondyrǵysy, iaǵni, mGov portalynyń mobildik qosymshasy arqyly elektrondyq anyqtama alý múmkindigi berilgen.
Azamattarǵa arnalǵan jańa engizýlerdiń biri – Memlekettik korporatsiia filialynyń mekenjaiyn tańdaýmen shetelge shyǵý úshin anyqtama alýǵa elektrondyq suraý berý múmkindigi. Ol jerde qaǵaz túrinde jaýap alýǵa bolady. Buryndary Memlekettik korporatsiiaǵa mindetti qaǵaz varianty ǵana jiberiletin. Elektrondyq anyqtamany «EgovKzBot» Telegram-bot kómegimen alýǵa bolady. Ol úshin «Mobildi azamattar bazasyna» (MAB) tirkelý qajet. Oǵan eGov.kz portalynda jeke kabinetke óziniń derekterin engizý qajet.
Al Telegram-bot jelisinde Telegram messendjerdi kóshirý kerek, «EgovKzBot» izdeý jolyna engizý, engizý/qaita engizý. Ári qarai «Qyzmetter» baǵanynda «Sottylyqtyń bolýy nemese bolmaýy týraly anyqtama berý» atty servisti tańdaý, sodan keiin azamatqa rastaý kody kórsetilgen SMS habarlama keledi, kodty engizgennen keiin sottylyqtyń bolýy nemese bolmaýy týraly aqparat beriledi. Sondai-aq, portalda elektrondyq anyqtamany ETsQ qoimai-aq «Bir rettik SMS paroliniń servisiniń» kómegimen alýǵa bolady.
Portalda «Úshinshi tulǵalarmen anyqtama alý servisi» júzege asyrylǵan. Endi jumys berýshilerdiń ózderi onlain qyzmetin qoldana otyryp «jeke kabinet» jáne (nemese) sms-rastaý arqyly suraý jiberiletin adamǵa qatysty, adamdardyń kelisimsharty bolǵan kezde basqa adamdarǵa qatysty sottylyqtyń bolýy nemese bolmaýy týraly elek-trondyq suraý jibere alady.
Osyndai qyzmet alýdyń negizgi sharty MAB-na tirkeý bolyp tabylady. MAB-ne tirkelý úshin qyzmet alýshyǵa portaldaǵy «jeke kabinette» «telefon» degen baǵanda telefon nómirin kórsetý kerek nemese ony JSN-di memlekettik korporatsiianyń kez kelgen front-ofisine tirkeý qajet. «Komitettiń jáne onyń aýmaqtyq basqarmalarynyń muraǵattary sheńberinde muraǵattyq anyqtamalardy jáne/nemese muraǵattyq qujat kóshirmelerin berý» memlekettik qyzmeti ishinara avtomattandyrylǵan.
Qyzmet alý úshin elektrondyq saýaldardy jiberý servisi portal arqyly iske qosyldy. Qazirgi ýaqytta qyzmetti portal arqyly nemese Memlekettik korporatsiia arqyly tapsyrýǵa bolady. Qyzmettiń nátijelerin Memlekettik korporatsiiasy arqyly ǵana alýǵa bolady. Qyzmet kórsetý merzimi 30 kúntizbelik kúnnen 10 kúntizbelik kúnge deiin qysqartylǵan.
«Prokýratýra organdarynan, tergeý jáne anyqtaý organdarynan shyǵatyn resmi qujattarǵa apostil qoiý» memlekettik qyzmeti avtomattandyrylmaǵan, ol Memlekettik korporatsiia arqyly qaǵaz túrinde kórsetiledi. Qyzmet kórsetý merzimi - 5 jumys kúni. Prokýratýra organdarynan shyǵatyn apostil qoiatyn qujattardyń 99 paiyzyn esepke ala otyryp, sottylyqtyń bolýy nemese bolmaýy týraly anyqtamany quraidy, oǵan qatysty mynadai múmkindik iske asyrylady:
–
kompozittik qyzmetke elektrondyq ótinish berý – sottylyqtyń bolýy nemese bolmaýy
týraly apostil qoiylǵan anyqtama;
– memlekettik bajdy onlain rejiminde elektrondyq úkimettiń tólem shliýzi (EÚ TSh)
arqyly tóleý;
– qyzmet alýshynyń filialdyń mekenjaiyn portalda tańdaý.
Qyzmetterdiń nátijelerin qaǵaz túrinde alý úshin qyzmet kórsetetin Memlekettik korporatsiialar. Komitettiń qyzmetin elektrondyq formatqa 100 paiyz kóshirý maqsatynda QR ÁM «E-Apostil» servisin iske asyrý sheńberinde apostildendirý boiynsha qyzmetterdi elektrondyq formatqa tolyq kóshirý jumysy júrgizilýde.
G. BOLATBAEVA,
QR Bas prokýratýrasy Quqyqtyq statistika jáne arnaiy esepke alý jónindegi komitetiniń
Taldyqorǵan qalasy jáne Qaratal aýdany boiynsha inspektory
Almaty oblysy
