QR Bas prokýratýrasynyń Qoǵamdyq múddelerdi qorǵaý qyzmetiniń bastyǵy Saparbek Nurpeiisov sailaýdan keiingi sherýlerge qatysqan adamdardyń qanshasy qamaýǵa alynǵanyn aitty, dep habarlaidy QazAqparat tilshisi.
Onyń aitýynsha, zańsyz aktsiialar men sherýlerge qatysqany úshin sot sheshimimen 957 adam ákimshilik jaýapqa tartylǵan.
«Bas prokýratýra ruqsat etilmegen aktsiia, sherýlerge qatysý zańsyz ekenin birneshe márte eskertti. Arandatýǵa boi aldyrǵan otandastarymyz birneshe qalada qarsylyq aktsiialaryna shyqty. Saldarynan 3 politsiia qyzmetkeri dene jaraqatyn aldy. Degenmen, politsiia ustamdylyq tanytyp, arnaiy zattardy qoldanbady», - dedi Bas prokýratýra ókili.
Saparbek Nurpeiisov solardyń ishinde 670 adam qamaqqa alynyp, 115 adamǵa aiyppul salynǵanyn, al 172 adamǵa eskertý jasalǵanyn aitady.
«Qadaǵalaý ókilettigi aiasynda prokýratýra ustalǵandardyń zańsyz áreketin túsine otyryp, otbasylyq jaǵdaiyn eskerip, sot oryndaryna 311 adamnyń qamaý merzimin qysqartý boiynsha usynym hat jiberdi. 63 adam búgin shyǵady. Qazir qamaqta 180 adam bar. Onyń 80-i - Nur-Sultan qalasynda, 100-i - Almatyda qamaýda. Olardy qamaý merzimi - 6-15 kún aralyǵynda», - dedi Saparbek Nurpeisiov.
