Keibir ýchaskede bir adamǵa birneshe biýlleten berý derekteri anyqtaldy. Bul týraly búgin QR Bas prokýratýrasy Qoǵamdyq múddeni qorǵaý qyzmetiniń basshysy Saparbek Nurpeiisov aitty, dep habarlaidy "Ult aqparat".
"Jalpy sailaý protsesi birqalypty ótti. Azamattardyń quqyqtaryn óreskel buzýshylyq tirkelgen joq. Sailaý zańnamasyn buzýdyń 19 faktisi anyqtaldy. Atap aitqanda, Nur-Sultan, Almaty qalalary men Almaty, Qyzylorda, Mańǵystaý, Túrkistan, Atyraý oblystarynda 19 zańbuzýshylyq tirkeldi. Oǵan: zańsyz úgit-nasihat jumystary, azamattarǵa birneshe biýlleten berý, sailaý ýchaskelerinde eki nemese úsh biýlletendi toltyrý jáne birneshe sailaý ýchaskelerinde daýys berý kiredi", - dedi Bolat Dembaev.
Onyń aitýynsha, prokýrorlar osyǵan bailanysty 18 ákimshilik is qozǵaǵan. Birneshe biýllenten berý áreketi boiynsha 12 is, eki nemese odan kóp biýlleten salýdyń, basqa sailaýshy úshin daýys berýdiń 6 faktisi boiynsha is qozǵalǵan.
"Qazirgi kezde barlyq materialdar sotqa jiberildi. Zań buzýǵa jol bergen sailaý komissiialarynyń músheleri jumystarynan shettetildi. Mysaly, Qyzylorda qalasyndaǵy №251 sailaý ýcheskesinde bir sailaýshyǵa 5 biýlleten berilgeni tirkeldi. Bul iske bailanysty ákimshilik quqyqbuzýshylyq týraly Kodekstiń 110-babyna sáikes, 25 AEK kóleminde aiyppul salyndy. Almaty qalasy men Almaty jáne Túrkistan oblystarynda sailaý jáshikterine eki biýlleten tastaǵan sailaýshylarǵa qatysty ákimshilik kodekstiń 108-babyna sáikes is qozǵaldy. Olarǵa da 25 AEK kóleminde aiyppul salyndy. Qalǵan ister sottyń qaraýynda", - deidi bas prokýrordyń orynbasary.
