3 jeltoqsanda Bas prokýratýra men «Kazakh Invest» UK» AQ arasynda ózara yntymaqtastyq týraly memorandým jasaldy, dep habarlaidy "Ult aqparat" vedomstvonyń baspasóz qyzmetine silteme jasap.
Memorandýmnyń basty maqsaty – investorlardyń quqyqtaryn qorǵaý boiynsha prokýratýra organdary men «Kazakh Invest» arasyndaǵy birlesken is-qimyldardy júzege asyrý.
Aita ketetin jait, investitsiialyq ahýaldy jaqsartý - elimizdegi ózekti máseleniń biri. Biznesti damytý, onyń ishinde sheteldik investorlardy qoldaý Memleket basshysynyń erekshe baqylaýynda. Sondyqtan prokýratýra organdary keshendi jumys júrgizýde.
«Osy rette prokýratýra organdarynyń tikelei qatysýymen memlekettik organdardy tekserý 2 ese azaiǵan. Bizneske qoiylatyn talaptar 40% kemigen. Tekserý merzimi 30 kúnnen 15 kúnge deiin, ruqsat berý qujattarynyń sany 708 -den 316-ǵa deiin qysqardy. Sondai-aq, 23 quram boiynsha qylmystyq jaza mólsheri tómendetildi. Jalǵan kásipkerlik qylmystyq sipattan aryldy. Sondai-aq, qylmystyq jaýaptylyqtyń bastalý shegi ulǵaityldy, SDTBT-da tirkeý tártibi ózgertildi» delingen habarlamada.
Atap ótetini, atalǵan memorandým investorlardyń ótinishine jedel áreket etýge aitarlyqtai septigin tigizedi.
Bul óz kezeginde sheteldik investitsiialar úshin qolaily jaǵdai jasaýǵa, elimizdiń tartymdylyǵyn arttyrýǵa yqpal etedi.
