Kollaj: Orda.kz
Bas prokýrordyń orynbasary Jandos Ómiráliev Májilis kýlýarynda qashqyn politsiia generaly Serik Kúdebaevqa qatysty qylmystyq is qozǵalǵanyn málimdedi, - dep habarlaidy Tengrinews.kz.
"Memlekettik shekarany zańsyz kesip ótý deregi boiynsha qylmystyq is qozǵaldy. Mańyzdylyǵyn eskere otyryp, Bas prokýratýra isti óz baqylaýyna aldy. Izdeý jumystaryna eń tájiribeli qyzmetkerler tartylǵan.
Qyrǵyzstanǵa suranys jiberdik, endi birlesken izdestirý sharalaryn júrgizemiz. Qyrǵyzstandyq áriptesterimizdiń málimetinshe, Kúdebaev olarǵa jetip, Manas áýejaiy arqyly Ystambulǵa ushyp ketken. Bul aqparatty olar qazir berip jatyr.
Túrkiiamen de kelisimimiz bar, qazir olarmen jumys istep jatyrmyz. Biz barlyq aqparatty bere almaimyz, adam qashyp júrgendikten, bul tergeýge ziian tigizýi múmkin", - dedi Ómiráliev jýrnalisterge.
Eske salaiyq, buǵan deiin Almaty oblysy Politsiia departamentiniń burynǵy basshysy Serik Kúdebaevqa halyqaralyq izdeý jariialanǵany habarlanǵan edi.
