Bas prokýratýra qańtardaǵy tártipsizdikterden keiin qamaýǵa alynǵandardyń keibiri jazadan qutylý úshin azaptaýlar týraly jalǵan shaǵym jasaǵanyn habarlady, - dep habarlaidy Tengrinews.kz.
"Tergeý nátijeleri boiynsha, keibir ótinish berýshiler azaptaý týraly shaǵymdardy jinalǵan dálelderdiń bedelin túsirý jáne qolaisyz dep taný úshin qorǵaný jelisi retinde paidalanǵan. Jambyl oblysynda B. esimdi azamat 5 qańtarda bir top adammen memlekettik nysandardy órtep, Politsiia departamentinen Kalashnikov avtomatyn, Makarov tapanshasyn, eki ańshylyq myltyq pen úsh travmatikalyq tapanshany urlap ketken.
Onyń bul qylmystarǵa qatysy baryn beinebaqylaý kameralaryna túsip qalǵan videolar, aiǵaqtar jáne basqa da is materialdary rastaidy. Ustalǵannan keiin odan politsiia qyzmetkerleri azaptaǵany týraly aryz tústi", - dedi baspasóz brifinginde Bas prokýratýranyń birinshi qyzmet basshysynyń orynbasary Eldos Qilymjanov.
Onyń aitýynsha, sybailas jemqorlyqqa qarsy qyzmet bul fakt boiynsha tekserý júrgizgen. Oǵan táýelsiz zańger qatysqan.
"Ystambul hattamasy siiaqty azaptaýlarǵa qarsy adam quqyqtaryn qorǵaý jónindegi halyqaralyq standarttarǵa sáikes psihologiialyq-psihiatriialyq saraptama júrgizildi.
Mamandar jábirlenýshiniń psihoemotsionaldyq jaǵdaiyn tolyq zerttedi, nátije tergeý organdary tarapynan oǵan psihologiialyq qysym bolmaǵanyn kórsetti", - dedi Qilymjanov.
