Pavlodar oblysynda sotqa deiingi tergep-tekserý satysyndaǵy negizgi sheshimderdi kelisý boiynsha pilottyq joba iske qosyldy. Bul týraly "Ult aqparat" Bas Prokýratýraǵa silteme jasap habarlaidy.
Bas Prokýror Ǵizat Nurdáýletov Pavlodar oblysyna baryp, pilottyq jobanyń iske asyrylý barysymen tanysty.
Bul joba Prezidenttiń Joldaýynda aitylǵan azamattardyń konstitýtsiialyq quqyqtaryna áser etetin sheshimderdi 2021 jyldan bastap prokýrorlarmen kelisý týraly tapsyrmany oryndaý aiasynda engizilýde.
Pilot barysynda kelisý elektrondy formatta júrgiziledi, bul buzýshylyqtardyń dereý jolyn kesýdi qamtamasyz etedi jáne jazyqsyz azamattardy qylmystyq protsess sheńberine tartýǵa jol bermeidi.
Qazirgi ýaqytta mundai mehanizm Pavlodar oblysy men ShQO-da synaqtan ótkizilýde.
Aǵymdaǵy jyldyń 1 qazanynan bastap oǵan elimizdiń barlyq óńirleri qosylady.
Osyǵan bailanysty aýmaqtyq prokýratýralar basshylaryna zańdylyqty buzýdyń jolyn kesý jáne kináli adamdardy jaýapkershilikke tartý jóninde tolyq sharalar qabyldaý týraly mindet qoiyldy.
Sonymen qatar, sapar aiasynda Bas Prokýror oblys ákimi jáne óńirdiń quqyq qorǵaý organdarynyń basshylyq quramynyń qatysýymen qylmysqa qarsy kúres jáne quqyq buzýshylyqtyń aldyn alý máseleleri boiynsha keńes ótkizdi.
