Qazaqstannyń Bas prokýratýrasy azamattardyń ótinishterin qaraý erekshelikteri týraly arnaýly jadynama ázirledi, dep habarlaidy QazAqparat.
Osy oraida Bas prokýratýra bul jadynama júgingen azamattardyń problemalaryn jedel sheshýge septigin tigizetindegine úmit artyp otyr.
«Azamattar ózderiniń problemasy tezirek sheshilýi úshin memlekettik organdardyń quzyretin bilýi kerek. Sondai-aq prokýror sot sheshimderiniń barlyǵyna birdei narazylyq bildirýge quqyly emes», - dep atap ótedi vedomstvodan.
Qujatta qandai ótinishtiń prokýratýra qaraýyna jatatyny, al qandai olardyń quziretine kirmeitindigi naqty jazylǵan.
«Prokýratýra týraly» QR Zańynda qadaǵalaýdy júzege asyrý kezinde prokýratýra organdary ózge de memlekettik organdardyń fýnktsiialaryn almastyrmaityndyǵy jazylǵan. Osyǵan orai prokýrorlar ózin ózi qorǵai almaityn adamdardyń, shektelmegen adamdar qatarynyń múddelerinde, sondai-aq orny tolmas saldarlar qateri kezinde, memlekettik organdardyń áreketsizdigi jaǵdaiynda olardyń shaǵymdaryn qaraidy. Al bul sanatqa jatpaityn shaǵymdar basqa ákimshilik organnyń qaraýyna jiberiledi.
