Áleýmettik jelilerde ultaralyq arazdyqty qozdyrý belgileri bar aqparattardy taratý faktileri anyqtaldy. Bul týraly Bas prokýratýranyń baspasóz qyzmeti habarlady.
Vedomstvonyń habarlaýynsha, avtorlar jazbalarynda azamattardyń nemese jalpy etnostyń (ulttyń, halyqtyń) ulttyq ashýyn ádeii qozdyrady, ultqa nemese etnikalyq topqa til tigizedi. Ózge ulttyń nemese áleýmettik toptyń ókilderine, onyń ishinde olardyń tilge degen kózqarasyna tiisip, fizikalyq zorlyq-zombylyqqa tikelei shaqyrady.
«Bul materialdardyń avtorlary ádettegidei quqyq qorǵaý organdarynyń kómegimen anyqtalyp, jaýapqa tartylady. Raiynan qaityp, kópshilik aldynda keshirim suraidy. Alaida bulai jasaý olardy eshqandai da jaýapkershilikten bosatpaidy.
Olardyń BAQ nemese áleýmettik jelilerdi paidalanyp aitqan sózderi men málimdelemeleri Konstitýtsiiada tyiym salynanǵan jáne Qylmystyq kodekstiń 174-baby boiynsha 2 jyldan 7 jylǵa deiin bas bostandyǵynan aiyrý kózdelgen. Al eger keltirgen zalaldyń saldary aýyr bolsa, 12 jyldan 20 jylǵa deiin bas bostandyǵynan aiyrý qarastyrylǵan.
Bul quqyq buzýshylyq ekstremistik qylmys sanatyna jatady (QK-tiń 3-baby)», - delingen habarlamada.
Qoǵamda alaýyzdyq týdyryp, ultarazdyqty ýshyqtyratyn mundai tulǵalar áreketine ókiný (QK-niń 65-baby) nemese jábirlenýshimen tatýlasý (QK-niń 68-baby) arqyly, sondai-aq qylmys jasaǵanyna biraz ýaqyt ótse de (QK 65-baby) qylmystyq jaýapkershilikten jáne jazadan qashyp qutyla almaidy.
«Mundai áreket jasaǵandarǵa shartty túrde sottaý (QK-niń 63-baby), shartty túrde merziminen buryn bosatý (QK-niń 72-baby), jazanyń ótelmegen bóligin jazanyń neǵurlym jeńil túrine aýystyrý (QK-niń 73-baby) nemese keiinge qaldyrý qarastyrylmaǵan (QK 74, 76-baptary).
Osyndai qylmystyq quqyq buzýshylyqtar jasaǵany úshin sottalǵandar ekstremizmdi qarjylandyrýǵa bailanysty uiymdar men tulǵalardyń tizimine engiziledi.
Tizimge engizilgen kezeńde olar óz qarjysy men múlkin basqarýdan, keibir bank operatsiialaryn júrgizýden shekteledi, notariýstar men saqtandyrý uiymdarynyń qyzmetterin qoldana almaidy («Qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl týraly» Zańy)» - delingen Bas prokýratýranyń resmi málidemesinde.
Jalpy, 2019 jyldan qazirgi kezge deiin sottar ultaralyq arazdyqty qozdyrǵan 21 tulǵaǵa qatysty úkim shyǵarǵan.
Mysaly, Almatynyń «T» esimdi turǵyny Facebook áleýmettik jelisinde azamattardyń ultyna qatysty úgit-nasihat júrgizgeni úshin 2021 jyly 19 tamyzynda QK-tiń 2-baby boiynsha 7 jylǵa bas bostandyǵynan aiyryldy.
Osyǵan uqsas taǵy bir oqiǵany mysalǵa keltirsek, Almatynyń «B» esimdi turǵyny 2019 jyly 23 qazanda 5 jylǵa sottaldy. Ol «WhatsApp» pen «Youtube» hostinginde ózge etnos ókilin balaǵattaǵan materialdar jariialaǵan.
Bas prokýratýra azamattardy jáne BAQ ókilderin ańdamai ultarazdyǵyn qozdyratyn málimdemelerden aýlaq bolýǵa jáne mundai materialdardy taratpaýǵa shaqyrdy.
