QR Bas prokýrorynyń birinshi orynbasary Berik Asylov zańsyz narazylyq aktsiialaryn ótkizetinder qandai jaýapkershilikke tartylatynyn túsindirdi, dep habarlaidy "Ult aqparat".
«Áleýmettik jelilerde tyiym salynǵan jáne sotpen ekstremisttik dep tanylǵan «Qazaqstannyń demokratiialyq tańdaýy» uiym tarapynan 2019 jylǵy 21 qyrkúiekte zańsyz narazylyq aktsiialaryn ótkizýge jáne oǵan qatysýǵa shaqyrý taratylýda. Destrýktivti kúshter áleýmettik qoldaý sharalary, memleketaralyq qatynastar týraly jalǵan aqparat tarata otyryp, halyqty adastyryp tártipsizdikterdi, áleýmettik jáne ulttyq arazdyqty týdyrý arqyly qoǵamdyq qaýipsizdikke qaýip tóndiredi. Mundai áreketterge zańmen tyiym salynǵan, sondyqtan quqyq qorǵaý organdary zań buzýshylarǵa zańmen belgilengen tártipte den qoiyp, qatań sharalar qoldanatyn bolady», - delingen B. Asylovtyń úndeýinde.
Osy oraida, Bas prokýratýra quqyq buzýshylyqtardyń aldyn alý, zańsyz áreketterge jol bermeý, qoǵamdyq qaýipsizdikti qamtamasyz etý jáne azamattardyń quqyqtaryn qorǵaý maqsatynda Qylmystyq kodekste jaýaptylyq qarastyrylǵanyn eske saldy. 174-bapta áleýmettik, ulttyq, dini arazdyqty qozdyrǵany úshin, sondai-aq olardy nasihattaityn materialdardy daiyndaǵany, taratqany úshin (eger olar aýyr zardaptarǵa ákep soqsa, 20 jylǵa deiin bas bostandyǵynan aiyrý múmkin); 400-bapta azamattardyń, uiymdardyń nemese memlekettiń quqyqtary men zańdy múddelerine aitarlyqtai ziian keltirgeni úshin (200 AEK-ke deiin aiyppul nemese 50 kúnge deiin qamaýǵa alý); Ákimshilik quqyq buzýshylyq týraly kodekstiń 488-babynda beibit jinalystardy, mitingilerdi, sherýlerdi, piketter men demonstratsiialar uiymdastyrý men ótkizý erejelerin buzǵany úshin jaýapkershilik qarastyrylǵan (aýyrlatatyn jaǵdailarda - 50 AEK aiyppul, 15 kúnge deiin qamaýǵa alý qaralǵan).
«Qurmetti azamattar, Bas prokýratýra sonymen birge ekstremistik uiymnyń qyzmetine qatysý jáne qarjylandyrý Qylmystyq kodekstiń 182, 258 jáne 405-baptaryna sáikes qylmystyq jaýaptylyqqa ákep soqtyratynyn túsindiredi: 405-bapta ekstremistik uiymnyń qyzmetine qatysqany úshin (2 jylǵa deiin bas bostandyǵynan aiyrý); 158-bapta ekstremistik top qurý, oǵan basshylyq etý nemese onyń qyzmetine qatysý úshin (múlkin tárkileýmen 17 jylǵa deiin bas bostandyǵynan aiyrý); 258-bapta terroristik nemese ekstremistik áreketke dem berýshilik jáne terrorizm men ekstremizmniń basqa da joldaryn qarjylandyrý úshin (múlki tárkilenip 12 jylǵa deiin)», - delingen taratylǵan habarlamada.
Sonymen qatar, qatysý degenimiz tek zańsyz áreketterdi uiymdastyrý jáne júrgizý ǵana emes, sonymen birge tyiym salynǵan uiym ideialaryn úgitteý, nasihattaý, jariialaý, býkletter, posttar, pikirler jáne basqa da aqparattyq materialdardy daiarlaý, shyǵarý jáne taratý bolyp tabylady.
«Qarjylandyrý degenimiz - aqshany nemese basqa múlikti berý, jinaý, syilyq jasaý, aýystyrý, demeýshilik, qaiyrymdylyq kómek, aqparat jáne basqa da qyzmetter kórsetý sanalady. Sonymen birge, qoldanystaǵy zańnamaǵa sáikes ekstremistik toptyń qyzmetine qatysýdy erikti túrde toqtatatyn adamdar qylmystyq jaýapkershilikten bosatylady. Joǵaryda atalǵandardy eskere otyryp, Bas prokýratýra azamattardy zańdardy qatań saqtaýǵa, arandatýshylyqqa boi aldyrmaýǵa jáne elimizde tyiym salynǵan uiymdardyń zańsyz áreketteri men qyzmetine qatyspaýǵa shaqyrady», - dep atap ótilgen Bas Prokýratýra málimetinde.
Buǵan deiin, Bas prokýratýra 21 qyrkúiekte bolatyn sherýge qatysty halyqqa úndeý tastaǵan edi.
