Foto: kaz.tengrinews.kz
Bas prokýratýra Qazaqstandaǵy jylý elektr stantsiialaryn tekseretinderin aitty, - dep habarlaidy Tengrinews.kz portaly.
"Biz JES máseleleri boiynsha tekserý júrgizýdi josparlap otyrmyz, biraq qazir jylý berý kezeńi ekenin eskere otyryp, barlyq JEO-da tekserý júrgizý múmkin emes. Keibir tekserýler osy JEO-nyń qalypty jumysyna kedergi keltirýi múmkin ekenin túsinemiz. Sondyqtan biz tekserý múmkindigi bar JES-terdi qamtityn bolamyz. Ekibastuzda oryn alǵan ister qaitalanbaýy úshin prokýratýranyń, ýákiletti organdardyń aralasýy qajet bolyp otyr.
Qazirgi ýaqytta Ridder qalasyndaǵy jylý elektr ortalyǵynyń jumysyna tekserý júrgizilip jatyr, sonymen qatar, Ekibastuz qalasynyń jylý sharýashylyǵyna tekserý júrgizilip, nátijesinde qylmystyq is qozǵaldy. Qalǵan JEO-lardy da mindetti túrde tekseretin bolamyz", - dedi bas prokýrordyń orynbasary Jandos Ómiráliev.
Sondai-aq, Bas prokýratýra ókilderinen Ridderdegi jylý elektr ortalyǵynyń jumysyndaǵy zań buzýshylyqtar týraly suraldy.
"Ridderdegi jaǵdai boiynsha tekserýler jalǵasyp jatyr. Tótenshe jaǵdailar, ónerkásiptik qaýipsizdik, JEO qalypty jumys isteýi úshin belgilengen basqa da talaptar boiynsha kóptegen zań buzýshylyqtar anyqtaldy. Sondai-aq, sáikestikke tekserý josparlanǵan. Investitsiialyq tariftermen, investitsiialyq somalar, búkil tarif qaida jumsaldy, basqa maqsattarda jumsalyp ketpedi me tekseremiz. Qazir bul tekserýlerdi Shyǵys Qazaqstan oblysynyń prokýrorlary júrgizip jatyr", - dep tolyqtyrdy ol.
