Qańtar oqiǵasyna bailanysty "jappai tártipsizdikke qatysý", "urlyq", "tonaý", "qarý-jaraq saqtaý, qarý alyp júrý" jáne ózge baptar boiynsha aiyptalǵan 717 adamǵa úkim shyqty. Bul týraly Bas prokýratýra málimdedi, dep habarlaidy "Ult aqparat".
"Búgingi kúnge deiin oqiǵany tergeý nátijesi boiynsha sotqa 474 qylmystyq is jiberildi, 717 adam tártipsizdikke qatysyp, urlyq, tonaý, qarý-jaraq saqtaý men alyp júrý siiaqty qylmystar úshin sottaldy" – delingen vedomstvo habarlamasynda.
Bas prokýratýra málimetinshe, jyl basynan beri 1077 adamǵa qatysty negizsiz qozǵalǵan qylmystyq is toqtatylǵan. Biraq olardyń qanshasy Qańtar oqiǵasyna bailanysty ekeni naqtylanbady. Ýaqytsha qamaý izoliatorynan 512 adam bosatylǵan.
