Bas memlekettik sanitarlyq dárigerdiń mártebesi men ókilettigi arttyrylady. Bul týraly Ulttyq qoǵamdyq senim keńesiniń 3-otyrysynda QR Prezidenti Qasym-Jomart Toqaev aitty, dep habarlaidy QazAqparat.
«Búginde barlyq el qaýipsizdiginiń mańyzdy bóligi - biologiialyq qaýipsizdik máselesi bolyp otyr. Buǵan deiin koronavirýstyń qaita taralýyna daiyn bolýǵa tiis ekendigimizdi aitqan bolatynmyn. Ahýal elimizdiń jáne kórshiles memleketterdiń aýmaǵynda turaqty tabiǵi oshaqtar men ózge de qaýipti infektsiialardyń bolýyna bailanysty kúrdelene túsýde. Birqatar júiesiz reformalar men qaita uiymdastyrýlar sanitarlyq-epidemiologiialyq qadalaǵaý jáne infektsiialyq baqylaý júieleriniń álsireýine sebep boldy», - dedi Memleket basshysy.
Bul rette QR Prezidenti sanitarlyq-epidemiologiialyq qyzmetti kúsheitý qajettigine basa nazar aýdartty.
«Osyǵan orai qazirdiń ózinde jańa komitetti qurý jumysy bastaldy. Bas memlekettik sanitarlyq dárigerdiń mártebesi men ókilettigi arttyrylatyn bolady. Ómirdiń ózi bul reformaǵa túrtki bolyp otyr. Bul qyzmettiń mamandaryn áleýmettik qorǵaý jáne kadrlardy daiyndaý júiesi qaita qaralady. Buǵan qosa, infektsiialyq aýrýlarmen kúres salasynda shet eldermen yntymaqtastyqty odan ary nyǵaitý qajet. Biologiialyq qaýipsizdik júiesi ortaq standart boiynsha jumys isteýi jáne qaterlerge elaralyq ózara is-qimyl men qarsy turý sharalaryn qamtamasyz etýi tiis», - dep atap ótti Qasym-Jomart Toqaev.
Sonymen qatar Memleket basshysy Qazaqstan Respýblikasynyń biologiialyq qaýipsizdigi týraly zańdy jyl sońyna deiin qabyldaý qajettigin basa aitty.
