Memleket basshysy Qasym-Jomart Toqaev Almatyda dárigerler Qanat Tezekbaev pen Asqar Tuńǵyshbaevtyń ustalýyna qatysty isti óz baqylaýyna aldy, dep habarlaidy "Ult aqparat".
"Niý-Iorkte saparmen júrip, Almatydaǵy 4-shi qalalyq aýrýhananyń bas dárigeri jáne anesteziologynyń tutqyndalýy jónindegi meditsina qaýymynyń ótinish-tilekterin oqydym. Germaniia aýrýhanasynda jasalǵan otadan soń qaitys bolǵan naýqastyń ólimin zańǵa sáikes tekserýdi tapsyrdym", - dep jazdy Toqaev tvitterdegi paraqshasynda.
Aitýynsha, bul másele pPezident ákimshiligi, Densaýlyq saqtaý ministrligi men Almaty qalasy ákiminiń baqylaýyna alyndy.
Eske sala keteiik, jýyrda Almatyda №4 qalalyq klinikalyq aýrýhananyń bas dárigeri Qanat Tezekbaevtyń qamaýǵa alynǵany belgili boldy. №2 mamandandyrylǵan aýdanaralyq tergeý soty eki aiǵa qamaýǵa alý túrindegi bultartpaý sharasyn tańdaǵan.
Dárigerge Qylmystyq kodekstiń 317-baby, 3-bóligi "Meditsinalyq nemese farmatsevtikalyq qyzmetkerdiń kásibi mindetterin tiisti deńgeide oryndamaýy" boiynsha aiyp taǵyldy.
Tezekbaevtyń bas dáriger qyzmetinen ýaqytsha shettetilgeni habarlandy.
Sondai-aq, sot sanktsiiasymen №4 qalalyq klinikalyq aýrýhanasynyń anesteziology Asqar Tuńǵyshbaev ta eki aiǵa qamaýǵa alyndy. Ol da Qylmystyq kodekstiń 317-baby 3-tarmaǵy boiynsha aiyptalyp otyr.
Eger kiná dáleldense, úsh jylǵa deiin belgili bir laýazymdardy atqarý nemese belgili bir qyzmetpen ainalysý quqyǵynan aiyrylyp, bes jylǵa deiin sottalýy múmkin.
Buǵan deiin jelide Tezekbaevtyń ustalýy Nursultan Kúdebaevtyń ólimimen bailanysty bolýy múmkin ekeni jazylǵan hat taraǵan edi. Almaty politsiia departamentiniń basshysy Serik Kúdebaevtyń uly Nursultan Kúdebaev biyl tamyzdyń basynda Almaty oblysynda kvadrotsiklmen jol apatyna túsken bolatyn.
27 tamyzda ol Germaniiadaǵy emhanalardyń birinde kóz jumdy.
