مەملەكەت باسشىسى قاسىم-جومارت توقاەۆ الماتىدا دەرٸگەرلەر قانات تەزەكباەۆ پەن اسقار تۇڭعىشباەۆتىڭ ۇستالۋىنا قاتىستى ٸستٸ ٶز باقىلاۋىنا الدى, دەپ حابارلايدى "ۇلت اقپارات".
"نيۋ-يوركتە ساپارمەن جٷرٸپ, الماتىداعى 4-شٸ قالالىق اۋرۋحانانىڭ باس دەرٸگەرٸ جەنە انەستەزيولوگىنىڭ تۇتقىندالۋى جٶنٸندەگٸ مەديتسينا قاۋىمىنىڭ ٶتٸنٸش-تٸلەكتەرٸن وقىدىم. گەرمانييا اۋرۋحاناسىندا جاسالعان وتادان سوڭ قايتىس بولعان ناۋقاستىڭ ٶلٸمٸن زاڭعا سەيكەس تەكسەرۋدٸ تاپسىردىم", - دەپ جازدى توقاەۆ تۆيتتەردەگٸ پاراقشاسىندا.
ايتۋىنشا, بۇل مەسەلە پپەزيدەنت ەكٸمشٸلٸگٸ, دەنساۋلىق ساقتاۋ مينيسترلٸگٸ مەن الماتى قالاسى ەكٸمٸنٸڭ باقىلاۋىنا الىندى.
ەسكە سالا كەتەيٸك, جۋىردا الماتىدا №4 قالالىق كلينيكالىق اۋرۋحانانىڭ باس دەرٸگەرٸ قانات تەزەكباەۆتىڭ قاماۋعا الىنعانى بەلگٸلٸ بولدى. №2 مامانداندىرىلعان اۋدانارالىق تەرگەۋ سوتى ەكٸ ايعا قاماۋعا الۋ تٷرٸندەگٸ بۇلتارتپاۋ شاراسىن تاڭداعان.
دەرٸگەرگە قىلمىستىق كودەكستٸڭ 317-بابى, 3-بٶلٸگٸ "مەديتسينالىق نەمەسە فارماتسەۆتيكالىق قىزمەتكەردٸڭ كەسٸبي مٸندەتتەرٸن تيٸستٸ دەڭگەيدە ورىنداماۋى" بويىنشا ايىپ تاعىلدى.
تەزەكباەۆتىڭ باس دەرٸگەر قىزمەتٸنەن ۋاقىتشا شەتتەتٸلگەنٸ حابارلاندى.
سونداي-اق, سوت سانكتسيياسىمەن №4 قالالىق كلينيكالىق اۋرۋحاناسىنىڭ انەستەزيولوگى اسقار تۇڭعىشباەۆ تا ەكٸ ايعا قاماۋعا الىندى. ول دا قىلمىستىق كودەكستٸڭ 317-بابى 3-تارماعى بويىنشا ايىپتالىپ وتىر.
ەگەر كٸنە دەلەلدەنسە, ٷش جىلعا دەيٸن بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ايىرىلىپ, بەس جىلعا دەيٸن سوتتالۋى مٷمكٸن.
بۇعان دەيٸن جەلٸدە تەزەكباەۆتىڭ ۇستالۋى نۇرسۇلتان كٷدەباەۆتىڭ ٶلٸمٸمەن بايلانىستى بولۋى مٷمكٸن ەكەنٸ جازىلعان حات تاراعان ەدٸ. الماتى پوليتسييا دەپارتامەنتٸنٸڭ باسشىسى سەرٸك كٷدەباەۆتىڭ ۇلى نۇرسۇلتان كٷدەباەۆ بيىل تامىزدىڭ باسىندا الماتى وبلىسىندا كۆادروتسيكلمەن جول اپاتىنا تٷسكەن بولاتىن.
27 تامىزدا ول گەرمانيياداعى ەمحانالاردىڭ بٸرٸندە كٶز جۇمدى.
