Qańtardaǵy jappai tártipsizdik kezinde ál-Farabi atyndaǵy Qazaq ulttyq ýniversitetiniń rektory Janseiit Túimebaevtyń ulyn óltirdi degen kúdikpen qamaýǵa alynǵan áskeri adam bolyp shyqty, dep habarlaidy QazAqparat Bas áskeri prokýratýranyń baspasóz qyzmetine silteme jasap.
«7 qańtarda K. esimdi azamattyń qaitys bolý faktisi boiynsha Bas áskeri prokýratýranyń jedel toby tergeý júrgizdi. Joǵarydaǵy fakt boiynsha Qorǵanys ministrligi áskeri bólimderiniń biriniń áskeri qyzmetshisi Qylmystyq kodekstiń 451-babynyń 2-bóligi 1-tarmaǵymen (aýyr zardaptarǵa ákep soqqan bilikti asyra paidalaný) kúdikti dep tanyldy. Ol qamaýǵa alynǵan», - delingen resmi habarlamada.
Aqparatta aitylǵandai, qazir qylmystyq protseske qatysýshylar atalǵan ispen tanysyp jatyr.
«Kúdiktiniń kinásin sot anyqtaidy. Tergeý múddesi úshin ózge aqparat jariialanbaidy», - deidi vedomstvodan.
Aita ketsek, keshe elimizdiń bas prokýratýrasy qańtar oqiǵasy kezinde Janseiit Túimebaevtiń ulynyń ólimi boiynsha kúdikti ustalǵanyn habarlaǵan edi.
