قاڭتارداعى جاپپاي تەرتٸپسٸزدٸك كەزٸندە ەل-فارابي اتىنداعى قازاق ۇلتتىق ۋنيۆەرسيتەتٸنٸڭ رەكتورى جانسەيٸت تٷيمەباەۆتىڭ ۇلىن ٶلتٸردٸ دەگەن كٷدٸكپەن قاماۋعا الىنعان ەسكەري ادام بولىپ شىقتى, دەپ حابارلايدى قازاقپارات باس ەسكەري پروكۋراتۋرانىڭ باسپاسٶز قىزمەتٸنە سٸلتەمە جاساپ.
«7 قاڭتاردا ك. ەسٸمدٸ ازاماتتىڭ قايتىس بولۋ فاكتٸسٸ بويىنشا باس ەسكەري پروكۋراتۋرانىڭ جەدەل توبى تەرگەۋ جٷرگٸزدٸ. جوعارىداعى فاكت بويىنشا قورعانىس مينيسترلٸگٸ ەسكەري بٶلٸمدەرٸنٸڭ بٸرٸنٸڭ ەسكەري قىزمەتشٸسٸ قىلمىستىق كودەكستٸڭ 451-بابىنىڭ 2-بٶلٸگٸ 1-تارماعىمەن (اۋىر زارداپتارعا ەكەپ سوققان بيلٸكتٸ اسىرا پايدالانۋ) كٷدٸكتٸ دەپ تانىلدى. ول قاماۋعا الىنعان», - دەلٸنگەن رەسمي حابارلامادا.
اقپاراتتا ايتىلعانداي, قازٸر قىلمىستىق پروتسەسكە قاتىسۋشىلار اتالعان ٸسپەن تانىسىپ جاتىر.
«كٷدٸكتٸنٸڭ كٸنەسٸن سوت انىقتايدى. تەرگەۋ مٷددەسٸ ٷشٸن ٶزگە اقپارات جارييالانبايدى», - دەيدٸ ۆەدومستۆودان.
ايتا كەتسەك, كەشە ەلٸمٸزدٸڭ باس پروكۋراتۋراسى قاڭتار وقيعاسى كەزٸندە جانسەيٸت تٷيمەباەۆتٸڭ ۇلىنىڭ ٶلٸمٸ بويىنشا كٷدٸكتٸ ۇستالعانىن حابارلاعان ەدٸ.
