«Barys» hokkei klýbynyń birneshe oiynshysy koronavirýs juqtyryp aldy. Osyǵan bailanysty hokkei klýby aldaǵy kezdesýlerin keiinge shegerýge májbúr bolyp otyr, dep habarlaidy "Ult aqparat".
«Barys» komandasynyń qatysýymen KHL-dyń turaqty chempionatynyń alty matchy ótýi kerek edi. Atap aitqanda qazaqstandyq komanda rigalyq «Dinamomen» 18 qyrkúiek kúni, «Severstal» komandasymen 20 qyrkúiekte, «Metallýrg» komandasymen 22 qyrkúiekte, «Kýnlýn» komandasymen 21 qyrkúiekte, «Vitiaz» komandasymen 29 qyrkúiekte, «Sochi» komandasymen 1 qazanda kezdesýi kerek bolǵan. Bul oiyndardyń bári de keiinge shegerildi», - dep habarlaidy sport klýbynyń resmi saity.
Habarlanyp otyrǵandai, «Barys» komandasy men jattyqtyrýshylar shtabynyń 12 múshesinen koronavirýs infektsiiasy anyqtalǵan. Osyǵan bailanysty búkil komanda eki aptalyq karantinnen ótýi kerek.
KHL matchtarynyń qai kúnge shegerilgeni týraly aldaǵy ýaqytta qosymsha habarlanady.
