ShQO-da jaiylymdaǵy asyl tuqymdy jylqyny atqan qaskói ustaldy, dep habarlaidy QazAqparat Polisia.kz saityna silteme jasap.
Shyǵys Qazaqstan oblysynyń politseileri «Mal urlyǵy» respýblikalyq jedel aldyn alý is-sharasyn ótkizý aiasynda oblys ortalyǵynyń mańynda qaraýsyz jaiylyp júrgen maldy urlaýmen ainalysqan 40 jastaǵy Óskemen qalasynyń turǵynyn ustady. Urlyqqa barǵanda ol atys qarýyn qoldanǵan. Aǵymdaǵy jyldyń 20 qarashaǵa qaraǵan túni óziniń Toyota Land Cruiser jol talǵamaityn kóligimen politsiiadan jasyrynbaq bolǵan qaskói qolǵa tústi. Ustaý ornyna jaqyn jerde jedel-tergeý toby sharýa qojalyqtarynyń biriniń iesine tiesili quny jeti myń AQSh dollary bolatyn asyl tuqymdy jylqynyń jartylai soiylǵan etin tapty. Kóliktiń salonynda tártip saqshylary kóptegen oq-dárileri bar 12 kalibrli tegis uńǵyly myltyqty jáne onyń zańsyz qyzmetiniń basqa da dálelderin tárkiledi.
Qazirgi ýaqytta mal urlyǵy faktisi boiynsha QR QK-niń 188-baby 1-bóligi 2-bóligi boiynsha sotqa deiingi tergeý júrgizilýde. Kúdikti sottyń sanktsiiasymen qamaýǵa alyndy jáne ol kináli dep tanylǵan jaǵdaida oǵan jeti jylǵa deiin bas bostandyǵynan aiyrý jazasy taǵaiyndalýy múmkin, – dedi ShQO PD bastyǵynyń orynbasary Talǵat Shaiahmetov.
