Ispaniialyq Vueling Airlines 32 reisi toqtatylatyn habarlady, óitkeni Iberia áýe kompaniiasynyń jerdegi qyzmetindegi jumysshylar ereýilge shyqpaq, dep habarlaidy QazAqparat El País gazetine silteme jasap.
Iberia-nyń jerdegi qyzmetkerleri birneshe saǵat buryn ereýil ótpeidi degenimen, juma men senbi kúnderge josparlanǵan Barselonanyń halyqaralyq áýejaiyndaǵy ereýildi ótkizýden bas tartpaitynyn málim etti.
Josparlanǵan ereýildiń bolatyny rastalǵan soń Vueling 92 reistiń (juma-54 jáne senbi – 38) ushyrylmaitynyn habarlady. Saldarynan 14 myń adam baratyn jerine jete almai qalmaq.
Áýel basta jumysshylar ereýildi toqtatyp, baqylaý jónindegi komissiia quryp, kelissózder kestesin jasasýǵa kelisken. Alaida Iberia kompaniiasy kelisimge qol qoiýdan bas tartty, al ereýil komiteti komissiia qurýǵa qarsy shyqty.
Aita keterligi, Barselonanyń halyqaralyq «El Prat» áýejaiy Kataloniiadaǵy eń iri áýejai, sondai-aq, Ispaniiadaǵy jolaýshylar tasymaly jóninde ekinshi orynda tur.
