يسپانييالىق Vueling Airlines 32 رەيسٸ توقتاتىلاتىن حابارلادى, ٶيتكەنٸ Iberia ەۋە كومپانيياسىنىڭ جەردەگٸ قىزمەتٸندەگٸ جۇمىسشىلار ەرەۋٸلگە شىقپاق, دەپ حابارلايدى قازاقپارات El País گازەتٸنە سٸلتەمە جاساپ.
Iberia-نىڭ جەردەگٸ قىزمەتكەرلەرٸ بٸرنەشە ساعات بۇرىن ەرەۋٸل ٶتپەيدٸ دەگەنٸمەن, جۇما مەن سەنبٸ كٷندەرگە جوسپارلانعان بارسەلونانىڭ حالىقارالىق ەۋەجايىنداعى ەرەۋٸلدٸ ٶتكٸزۋدەن باس تارتپايتىنىن مەلٸم ەتتٸ.
جوسپارلانعان ەرەۋٸلدٸڭ بولاتىنى راستالعان سوڭ Vueling 92 رەيستٸڭ (جۇما-54 جەنە سەنبٸ – 38) ۇشىرىلمايتىنىن حابارلادى. سالدارىنان 14 مىڭ ادام باراتىن جەرٸنە جەتە الماي قالماق.
ەۋەل باستا جۇمىسشىلار ەرەۋٸلدٸ توقتاتىپ, باقىلاۋ جٶنٸندەگٸ كوميسسييا قۇرىپ, كەلٸسسٶزدەر كەستەسٸن جاساسۋعا كەلٸسكەن. الايدا Iberia كومپانيياسى كەلٸسٸمگە قول قويۋدان باس تارتتى, ال ەرەۋٸل كوميتەتٸ كوميسسييا قۇرۋعا قارسى شىقتى.
ايتا كەتەرلٸگٸ, بارسەلونانىڭ حالىقارالىق «ەل پرات» ەۋەجايى كاتالونيياداعى ەڭ ٸرٸ ەۋەجاي, سونداي-اق, يسپانيياداعى جولاۋشىلار تاسىمالى جٶنٸندە ەكٸنشٸ ورىندا تۇر.
