Parlament Májilisiniń depýtaty Irina Smirnova memlekettik organdardyń ashyq biýdjetterdiń interaktivti kartasy aiasynda qalai jumys isteýi kerektigin aitty, dep habarlaidy QazAqparat.
«Barlyq memlekettik organdar zań boiynsha óz biýdjetterin, iaǵni memleket bóletin barlyq qarajat týraly málimetti tolyq kólemde jariialaýǵa mindetti. Mysaly, mektepke kompiýter alýǵa aqsha bólingen-bólinbegeni týraly suraq qoiylady. Iá, ol úshin aqsha bólinedi jáne ony ashyq biýdjet kartasynan kórýge bolady. Biýdjet aqshasy - bizdiń aqshamyz. Bul qarajattyń barlyǵy tiimdi jumsalýy kerek. Onyń qanshalyqty tiimdi jumsalatynyn biz ashyq biýdjetter kartasynan kóre alamyz», - dedi Irina Smirnova óziniń Facebook paraqshasynda ótken «Astana - adaldyk alany» jobasynda bergen suhbat barysynda.
Onyń pikirinshe, qarajat tiisti jerge jumsalmaǵan jaǵdaidy Sybailas jemqorlyqqa qarsy is-qimyl agenttigi nemese basqa da tiisti organdarǵa habarlanýy kerek.
«Men barlyq memlekettik organdar óz biýdjetin jariialaý týraly zańdy oryndaýy kerek degen usynyspen depýtattyq saýal joldadym. Mundai aqparatty barlyq ministrlik jariialai bermeidi. Mysaly, Qarjy ministrligi biýdjetine qatysty aqparatty jariialaidy. Basqa ministrlikter mundai málimetti jariialamaidy. Biz osy zańnyń oryndalýyn qamtamasyz etýimiz kerek», - deidi ol.
