Premer-Ministr Asqar Mamin áleýmettik mańyzdaǵy taýarlarǵa qatysty baǵany qadaǵalaý boiynsha Úkimettiń jumysy týraly aitty, dep habarlaidy QazAqparat.
«Ár senbi saiyn onlain rejimde óńirlerdi qamti otyryp konferentsiia ótkizemiz. Osy oraida ákimder qalyptasqan jaǵdaidy baiandaidy. Áleýmettik mańyzy bar taýarlar toptamasynyń baǵasyn qadaǵalaý, naqty baǵa boiynsha aldaǵy úsh aidaǵy kezeńge sharttardyń bolýy taqyryptaryn talqylaimyz. Bul qadamdar áleýmettik mańyzdaǵy taýarlarǵa baǵanyń negizsiz ósýin tejeidi», - dedi A. Mamin Májilistiń jalpy otyrysynda.
Úkimet basshysy ár óńirge qatysty bul maqsattarǵa qansha qarajat bólingeni, taýarlardy saqtaý jaǵdaiy baqylaýda ekenin aitty.
«Iaǵni, barsha taýar toptamasy boiynsha qadaǵalaý turǵysynda tyńǵylyqty jumys júrgizilip jatyr», - dedi Premer-Ministr.
Eske sala keteiik, Májilistiń jalpy otyrysynda «2022 – 2024 jyldarǵa arnalǵan respýblikalyq biýdjet týraly» zań jobasy talqylanyp jatyr.
