پرەمەر-مينيستر اسقار مامين ەلەۋمەتتٸك ماڭىزداعى تاۋارلارعا قاتىستى باعانى قاداعالاۋ بويىنشا ٷكٸمەتتٸڭ جۇمىسى تۋرالى ايتتى, دەپ حابارلايدى قازاقپارات.
«ەر سەنبٸ سايىن ونلاين رەجيمدە ٶڭٸرلەردٸ قامتي وتىرىپ كونفەرەنتسييا ٶتكٸزەمٸز. وسى ورايدا ەكٸمدەر قالىپتاسقان جاعدايدى باياندايدى. ەلەۋمەتتٸك ماڭىزى بار تاۋارلار توپتاماسىنىڭ باعاسىن قاداعالاۋ, ناقتى باعا بويىنشا الداعى ٷش ايداعى كەزەڭگە شارتتاردىڭ بولۋى تاقىرىپتارىن تالقىلايمىز. بۇل قادامدار ەلەۋمەتتٸك ماڭىزداعى تاۋارلارعا باعانىڭ نەگٸزسٸز ٶسۋٸن تەجەيدٸ», - دەدٸ ا. مامين مەجٸلٸستٸڭ جالپى وتىرىسىندا.
ٷكٸمەت باسشىسى ەر ٶڭٸرگە قاتىستى بۇل ماقساتتارعا قانشا قاراجات بٶلٸنگەنٸ, تاۋارلاردى ساقتاۋ جاعدايى باقىلاۋدا ەكەنٸن ايتتى.
«ياعني, بارشا تاۋار توپتاماسى بويىنشا قاداعالاۋ تۇرعىسىندا تىڭعىلىقتى جۇمىس جٷرگٸزٸلٸپ جاتىر», - دەدٸ پرەمەر-مينيستر.
ەسكە سالا كەتەيٸك, مەجٸلٸستٸڭ جالپى وتىرىسىندا «2022 – 2024 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسى تالقىلانىپ جاتىر.
