Barlyq memlekettik organdar jumyspen qamtý boiynsha josparlanǵan kórsetkishterge qol jetkizýdi qamtamasyz etýi tiis. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Ákimdikter aidyń sońyna deiin konkýrstyq rásimderdi aiaqtasyn jáne infraqurylymdyq jobalardy tolyq iske asyrýdy bastasyn. Jobalarda paidalanylatyn taýarlar, jumystar men qyzmetterdiń negizgi kólemi otandyq bolýy qajet. Barlyq bólingen qarajat ekonomikaǵa jumys isteýi tiis»,- dedi Úkimet basshysy.
Premer-Ministr ekinshiden, barlyq memlekettik organdarǵa jumyspen qamtý boiynsha josparlanǵan kórsetkishterge qol jetkizýdi qamtamasyz etýdi tapsyrdy.
«Úshinshi, Eńbek ministrligi «Jumyspen qamtý» jol kartasyn, sondai-aq turaqty jumys oryndaryn qurý jáne halyqty jumysqa ornalastyrý turǵysynan basqa da memlekettik baǵdarlamalardyń iske asyrylý barysyna kún saiyn monitoring júrgizsin. Eraly Luqpanuly, baqylaý sizde», - dedi Asqar Mamin orynbasary Toǵjanovqa qarata.
