Foto: Aqorda
Qasym-Jomart Toqaev Ónerkásip jáne qurylys ministri Ersaiyn Naǵaspaevty qabyldady, dep habarlaidy Ult.kz. Kezdesýde prezident pen ministr negizgi jumys baǵyttaryn belgiledi:
▪️ geologiialyq zertteýler bazasyn jasandy intellekt kómegimen qalyptastyrý;
▪️ jer qoinaýyn paidalanýdyń biryńǵai platformasyn iske qosý;
▪️ qala qurylysy jobalaryn tsifrlandyrý;
▪️ aýyldarda kommýnaldyq qyzmetterge biryńǵai túbirtekti engizý.
Toqaev ministrge halyqty sýmen qamtamasyz etýdi (kóptegen óńirler úshin bul ózekti másele ekenin eske saldy), jer qoinaýyn paidalaný salasyndaǵy reformalardy ýaqtyly júrgizýdi jáne otandyq óndirýshilerdiń biryńǵai tizilimin qurýdy tapsyrdy.
Prezident barlyq baǵyt boiynsha jumysty kúsheitý qajettigin atap ótti.
