Foto: ashyq derekkózden
Birinshi vitse-premer Roman Skliar Ekibastuzdaǵy tótenshe jaǵdaiǵa qatysy bar barlyq adam jaýapqa tartylatynyn aitty, dep habarlaidy Sputnik Qazaqstan.
"Osy apatqa qatysy bar, sondai-aq óz áreketimen tótenshe jaǵdaidy joiý máselesiniń sheshilýin sozbalańǵa salǵandardyń bári jaýapkershilikke tartylady", - dedi Skliar úkimet úiinde ótken baspasóz máslihatynda.
Onyń aitýynsha, quqyq qorǵaý organdary apat sebepteri men tótenshe jaǵdaidy joiý algoritmin zerdelep, tekseredi. Sosyn óz baǵasyn beredi.
Skliar Ekibastuz tarihyndaǵy iri apat saldarynan qaladaǵy 149 turǵyn úi jylýmen jabdyqtaý júiesinen ajyrap qalǵanyn eske saldy. 70 turǵyn úi apattan keiingi birinshi kúni jylýǵa qosylǵan. Qalǵan 70 turǵyn úide problema týyndap, segiz kún boiy jylý bolǵan joq.
Eske salsaq, Ekibastuz JEO-da tótenshe jaǵdai 27 qarashaǵa qaraǵan túni boldy. Turǵyndar otyz gradýs qaqaǵan aiazda jylýsyz jáne ystyq sýsyz qaldy. Qalada jergilikti aýqymda tehnogendi sipattaǵy tótenshe jaǵdai rejimi jariialandy.
Osy oqiǵadan keiin Prezident Qasym-Jomart Toqaev Pavlodar oblysynyń ákimi bolǵan Ábilqaiyr Ysqaqovty qyzmetinen bosatty.
