Pavlodar oblysy Kemeńger aýylynda jerde uiyqtap jatqan 6 bala men ata-anasynyń jai kúii turǵyndardyń jaǵasyn ustatty. Jergilikti halyq balalardyń jylap jatqan daýysyn estip, aidaladan taýyp alǵan kórinisi videoǵa túsip qalǵan, dep habarlaidy "Ult aqparat" Stan.kz aqparat agenttigine silteme jasap.
Kadrda áieldiń otbasy Pavlodarda úi jaldap turǵanyn, úi iesi ony satyp jibergenin jáne olar Krasnoarmeika, qazirgi Kemeńger aýylyna kelgenin aitqan.
Otbasyn tapqan turǵyn olardyń aýyldan birneshe shaqyrym jerde turǵylyqtaǵyn baiqaǵan. Al orman ishine qalai jetkenderin suraǵanda, áiel balalarmen serýendeýge shyqqan kórinedi.
"Shynymdy aitaiyn, bári meniń balalarym. Biz olarmen áli serýendeýimiz kerek. Biz qazir turyp, ary qarai júremiz", – dep túsindirdi áiel.
Sóz arasynda anasy balalarynyń bireýiniń aýtizmmen aýyratynyn aityp qaldy.
"Bizdi eshkim estimesin dep ádeii ketip jatyrmyz", – dep túsindirdi ákesi.
Beinejazbany túsirgen er adam balalardyń biriniń betine nelikten qan ketkenin suraǵanda áiel abdyrap, anyq emes jaýap bere almady.
"Biz serýendep júrdik, sosyn balalar uiyqtap qaldy. Kún ysyp ketkendikten betin kúidirip aldy. Biz endi jolǵa shyǵyp, Krasnoarmeikaǵa oralamyz. Balam býterbrod jegisi kelgendikten aialdaýdy jón kórdik", – dedi áiel.
Belgili bolǵandai, balalardyń eń kishisi 1 jasta, úlkeni 8 jasta. Anasy men balalary aýrýhanaǵa jetkizildi. Kemeńger kentiniń ákimdiginiń málimetinshe, jergilikti turǵyndar orman ishinen kópbalaly otbasyn tapty. Pavlodar oblystyq politsiia departamentiniń baspasóz qyzmeti aqparatty rastady.
"2016-2023 jyldary týylǵan alty balany tárbielep otyrǵan sheteldik azamattardyń otbasy anyqtaldy. Balalar memlekettik organdarda tirkelmegen: olardyń týý týraly kýáligi joq, densaýlyq saqtaý jáne bilim berý mekemelerine bekitilmegen", – dedi Pavlodar oblysy ishki ister departamenti kóshi-qon qyzmetiniń basshysy Dáýlet Ysqaqov.
Politseidiń aitýynsha, balalar men olardyń anasy Pavlodar oblysy balalar aýrýhanasyna jatqyzylǵan.
"Qazir biz balalarǵa týý týraly kýálik pen JSN alýǵa, sondai-aq elimizde ýaqytsha turýǵa ruqsat alýǵa kómektesemiz", – dedi Ysqaqov.
Densaýlyq saqtaý basqarmasynyń málimetinshe, balalardyń jaǵdaiy turaqty, olar tamaqtanbaǵan, biraq dárigerlerdiń baqylaýyn qajet etedi. Politseilerdiń balalardyń ata-anasy kórshi elderdiń azamattary ekenin atap ótti. Endi olardyń bala-shaǵasymen Qazaqstanǵa qashan kelgeni, qansha ýaqyttan beri kelgeni anyqtalyp jatyr.
