Almatyda «Qazyna» bazarynda halyq tutyný taýarlary saqtalǵan eki qabatty birneshe konteiner órtenip ketti, - dep habarlaidy "Ult aqparat" TJD málimetine silteme jasap.
Tús ýaqytynda turǵyndar Almaty baraholkasynan qoiý tútin shyǵyp jatqanyn habarlaǵan.
Tótenshe jaǵdailar ministrligi málimetinshe, 21 qyrkúiekte saǵat 12:14-te Alataý aýdany Soltústik ainalma jol 34 mekenjaiyndaǵy Qazyna bazaryna kúshter men quraldar jiberilgen.
Oqiǵa ornyna jetkende 6 minýttan keiin (12.20), jalpy 120 sharshy metr aýmaqta birneshe eki qabatty konteiner órtengeni anyqtalǵan jáne órttiń kórshi konteinerlerge taralý qaýpi týyndaǵan.
Barlaý kezinde birinshi bólimshe bul aimaqta sý az ekenin habarlady. Sondyqtan órt sóndirý avtotsisternalarymen sý jetkizý jumystary dereý uiymdastyryldy, osylaisha sýdy úzdiksiz berý qamtamasyz etildi. Jedel shtab pen eki jaýyngerlik aimaq quryldy. 40-tan asa adam men 14 tehnika jumyldyryldy. Aimaqty jol politsiiasy kúshteri qorshaýǵa aldy. Qabyldanǵan sharalar arqyly órt 18 minýtta, túngi saǵat 12:38-de oqshaýlandy.
