Qazaqstanda ekinshi deńgeili bankterge qandai komissiiany talap etýge tyiym salynǵanyn Ulttyq bankte aityp berdi, dep habarlaidy QazAqparat tilshisi.
«16-shildeden bastap «QR Qarjylyq qyzmet tutynýshylarynyń quqyǵyn qorǵaý maqsatynda valiýtalyq retteý men baqylaý týraly zańy» qoldanysqa engizildi. Osyǵan orai bankter kollektorlyq agenttikterde qaralǵan qaryzdy jabý kezinde komissiia talap ete almaidy», - dedi bankten.
«Problemalyq ipotekalyq nesiesi bar tutynýshylardy qoldaý maqsatynda bankterge kepildemede turyp, keiin bank menshigine ótken baspanany jalǵa berýge ruqsat berildi», - delingen habarlamada.
Sonymen qatar, Ulttyq bank QR Ádilet ministrligimen birige otyryp, bankterde alimenttik tólem úshin ashylǵan shottardaǵy aqshadan qaryz jabýǵa tyiym salý týraly usynys berdi.
Munyń aldynda, bankterge ipotekalyq nesie úshin komissiia alýǵa tyiym salynǵanyn habarlaǵan bolatynbyz.
