قازاقستاندا ەكٸنشٸ دەڭگەيلٸ بانكتەرگە قانداي كوميسسييانى تالاپ ەتۋگە تىيىم سالىنعانىن ۇلتتىق بانكتە ايتىپ بەردٸ, دەپ حابارلايدى قازاقپارات تٸلشٸسٸ.
«16-شٸلدەدەن باستاپ «قر قارجىلىق قىزمەت تۇتىنۋشىلارىنىڭ قۇقىعىن قورعاۋ ماقساتىندا ۆاليۋتالىق رەتتەۋ مەن باقىلاۋ تۋرالى زاڭى» قولدانىسقا ەنگٸزٸلدٸ. وسىعان وراي بانكتەر كوللەكتورلىق اگەنتتٸكتەردە قارالعان قارىزدى جابۋ كەزٸندە كوميسسييا تالاپ ەتە المايدى», - دەدٸ بانكتەن.
«پروبلەمالىق يپوتەكالىق نەسيەسٸ بار تۇتىنۋشىلاردى قولداۋ ماقساتىندا بانكتەرگە كەپٸلدەمەدە تۇرىپ, كەيٸن بانك مەنشٸگٸنە ٶتكەن باسپانانى جالعا بەرۋگە رۇقسات بەرٸلدٸ», - دەلٸنگەن حابارلامادا.
سونىمەن قاتار, ۇلتتىق بانك قر ەدٸلەت مينيسترلٸگٸمەن بٸرٸگە وتىرىپ, بانكتەردە اليمەنتتٸك تٶلەم ٷشٸن اشىلعان شوتتارداعى اقشادان قارىز جابۋعا تىيىم سالۋ تۋرالى ۇسىنىس بەردٸ.
مۇنىڭ الدىندا, بانكتەرگە يپوتەكالىق نەسيە ٷشٸن كوميسسييا الۋعا تىيىم سالىنعانىن حابارلاعان بولاتىنبىز.
