Ekinshi deńgeili bankter shtattaǵy qyzmetkerleriniń jartysyn shyǵarý shartymen jumys júrgizedi. Bul týraly QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
Ministrdiń aitýynsha elordada elektr-turmystyq tehnikalardy satatyn iri dúkender, zoodúkender, gúl satatyndardan basqa barlyq dándi-daqyl satatyn dúken, rieltorlyq kompaniialar, múlikti baǵalaý agenttikteri, saqtandyrý kompaniialary, ekinshi deńgeili bankter men mikroqarjylyq uiymdardyń jumysy jandanady.
«Al Almaty qalasynda TQKS, avtojýý, shinomontaj, turmystyq tehnika jóndeý oryndary, jarnama agenttikteri, aýyl sharýashylyǵy tehnikalary dúkeni, avtosalondar, kólik jáne qoima kompaniialary jumys istei bastaidy. Aqparattyq-kommýnikatsiialyq kompaniialardyń jumysy qaita bastalady. Ekinshi deńgeili bankter shtattaǵy qyzmetkerleriniń jartysyn shyǵarý shartymen jumys júrgizedi. Sonymen qatar tizimde mikroqarjylyq uiymdar, saqtandyrý kompaniialary, brokerler men lombardtar bar», - dedi ol.
Eske sala ketsek QR Prezidenti Qasym-Jomart Toqaev Tótenshe jaǵdai rejimin biylǵy 11 mamyrǵa deiin uzartý týraly Jarlyq shyǵarý jóninde sheshim qabyldady. Bul týraly Memleket basshysy búgingi málimdemesinde aitqan bolatyn.
Sonymen qatar Úkimet 1 mamyrdan bastap elorda men Almaty arasyndaǵy reisterdi ashatyn boldy.
