Qostanai oblysy politsiia departamentiniń bastyǵy Beket Aimaǵambetov halyqqa esep berý kezdesýinde bank qyzmetkeriniń qylmysy ashylǵanyn aitty, dep habarlaidy "Ult aqparat".
Vedomstvo basshysynyń aitýynsha, 2019 jyly 11 qarashada Jitiqara qalasynda asa iri mólsherde qarajat jymqyrý deregi tirkeldi.
Bank qyzmetkeri óziniń jeke shotyna 87 million teńgeden astam qarjy aýdaryp, birden QR aýmaǵynan qashyp ketken.
«Kúdikti Reseidiń Cheliabi qalasynda ustaldy. Qazirgi ýaqytta biz osy qylmystyq isti tergeýdi aiaqtap qaldyq jáne is sotqa jiberiledi. Qazir protseske qatysýshylar is materialdarymen tanysady. Negizgi tergeý áreketteri Resei Federatsiiasynyń aýmaǵynda pandemiia kezinde júrgizildi. Ol úshin Qazaqstan Premer-Ministriniń kabineti arqyly RF quzyretti organdaryna quqyqtyq kómek kórsetý týraly halyqaralyq tapsyrma joldandy», - deidi Beket Aimaǵambetov.
RF quqyq qorǵaý organdary tarapynan tolyq qoldaý alyndy. Bul qylmystyq is materialdaryna tirkelgen zattai dáleldemelerdi alýǵa múmkindik bergen.
Qazir bank qyzmetkeriniń urlap ketken qarajaty tolyǵymen qaitaryldy.
