Sýret ashyq derekkózden alyndy
Ózin bankrot dep jariialamaq bolǵan qazaqstandyqtar tolyq aqparatty qaidan bile alady? Bul saýalǵa Premer-Ministrdiń orynbasary – Qarjy ministri Erulan Jamaýbaev jaýap berdi, dep habarlaidy QazAqparat agenttigi.
Ótken jyly 30 jeltoqsanda Memleket basshysy «Qazaqstan Respýblikasy azamattarynyń tólem qabilettiligin qalpyna keltirý jáne bankrottyǵy týraly» Zańǵa qol qoiyldy. Atalǵan qujat biyl 1 qańtarda resmi túrde jariialanyp, 3 naýryzdan bastap bankrottyq týraly ótinishterdi qabyldaý bastalady.
«Qazir uiymdastyrý jáne tehnikalyq is-sharalar júrip jatyr. Aldymen BAQ jáne qyzmet kórsetý ortalyqtarynda aqparattyq súiemeldeý uiymdastyrylýda. Bankrottyqqa qatysty tiisti aqparat buqaralyq aqparat quraldarynda jariialanady. Ministrlik pen oǵan baǵynysty vedomstvolardyń saittarynda túsindirý aqparaty ornalastyrylyp, azamattarǵa SMS taratylyp jatyr. Sondai-aq, azamattar qyzmet kórsetý ortalyqtary arqyly keńes alýyna bolady. Olarǵa bankrottyq zańnyń negizgi erejeleri túsindirilip, jadynama taratylady», - dedi Erulan Jamaýbaev Úkimet otyrysynda.
Odan bólek, ministrdiń aitýynsha, qazir «Azamattarǵa arnalǵan úkimet» bailanys ortalyqtary jáne memlekettik kirister komiteti arqyly túsindirý jumystary júrip jatyr. Jyl bastalǵaly 4 jáne 5 qańtarda 570 adam bankrottyqqa qatysty keńes alǵan.
«Ákimdikter de memlekettik organdardyń óńirlik bólimsheleri, bankter, halyqqa qyzmet kórsetý ortalyqtary jáne halyqty jumyspen qamtý ortalyqtary basshylarynyń qatysýymen azamattardyń bankrottyq rásimderin uiymdastyrý boiynsha keńester ótýde. Memlekettik kirister basqarmasynyń qyzmetkerleri oqyp jatyr. Kún saiyn «Azamattarǵa arnalǵan úkimet» jáne memlekettik kirister komitetiniń qyzmetkerlerimen birge onlain-konferentsiialar ótkiziledi, onda zań normalary túsindirilýde, sondai-aq azamattardan kelip túsetin problemalyq máseleler talqylanýda», - deidi ol.
