Búgin Májiliste «Qazaqstan Resýblikasynyń keibir zańnamalyq aktilerine ońaltý jáne bankrottyq rásimderin jetildirý máseleleri boiynsha ózgerister men tolyqtyrýlar engizý týraly» QR Zań jobasy tanystyryldy. Májilis depýtaty Omarhan Óksikbaev osy zańǵa qatysty oiyn aitty, dep jazady Baq.kz.
«Árine, zań jobasynda kóptegen progressivtik tásilder kózdelgen. Alaida, biz memleket múddesin qorǵaýdy da erekshe nazarda ustaýymyz kerek. Atap aitqanda, jalǵan bankrottyq jaǵdaiǵa alyp keletin tásilder bar. Taǵy bir pysyqtaityn másele – ol býhgalterlik balansqa súienýge qatysty. Iaǵni, olardyń derekterine súiene otyryp, málimetterdi nazarǵa alý qaralyp otyr. Al shyntýaityna kelgende, osy býhgalterlik balanstyń ózi kóp jaǵdaida naqty emes jáne kásiptik deńgeide emes. Sondyqtan Qarjy ministrligi bul máseleni ózderiniń baqylaýynan jiberip qoiǵandyqtaryn, osy oraida bul baǵyttaǵy ádisnamany jaqsartý qajettigi týraly aittym. Óitkeni býhgalterlik balansqa negizdelsek, onda ol naqty qujat bolýy kerek. Árine, ol óz tarapynan baqylaýǵa jatýy tiis. Memleket óz múmkindigimen onyń barlyǵyn baqylaityn kúshi joq, sondyqtan osy zań jobasyna sony baqylaityn jaǵdaidy jasaýymyz kerek», - dedi Óksikbaev Májilis kýlýarynda bergen suhbatynda.
Depýtat elimizde birqatar ekinshi deńgeili bank bankrotqa ushyrap, jumystaryn toqtatqanyn da aitty.
«Sol bankterde bizdiń kvazimemlekettik sektorymyzdyń depozitke salǵan qarjylary qalyp otyr. Ol qarjy qaitarylmasa, memleketke ziian keltiriledi. Sondyqtan bul turǵyda zań jobasy aiasynda naqtylaityn qadamdar bar. Árine, zań jobasy jetilgen dep aita almaimyz. Ony pysyqtaý kerek. Jumys toby bunyń tóńireginde jumys jasaidy. Biz áli naqtylaimyz. Sebebi biz qazirgi alyp kelip otyrǵan zańdy osy qalpymen iske alýǵa bolady dep aita almaimyz. Biz endi jumys istep, oǵan kóptegen ózgeris engizemiz. Qazirgi aitylǵan kishigirim suraqtardyń tóńireginde de úlken ózgerister engizý kózdelip otyr», - dedi Omarhan Óksikbaev.
