بٷگٸن مەجٸلٸستە «قازاقستان رەسۋبليكاسىنىڭ كەيبٸر زاڭنامالىق اكتٸلەرٸنە وڭالتۋ جەنە بانكروتتىق رەسٸمدەرٸن جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭ جوباسى تانىستىرىلدى. مەجٸلٸس دەپۋتاتى ومارحان ٶكسٸكباەۆ وسى زاڭعا قاتىستى ويىن ايتتى, دەپ جازادى Baq.kz.
«ەرينە, زاڭ جوباسىندا كٶپتەگەن پروگرەسسيۆتٸك تەسٸلدەر كٶزدەلگەن. الايدا, بٸز مەملەكەت مٷددەسٸن قورعاۋدى دا ەرەكشە نازاردا ۇستاۋىمىز كەرەك. اتاپ ايتقاندا, جالعان بانكروتتىق جاعدايعا الىپ كەلەتٸن تەسٸلدەر بار. تاعى بٸر پىسىقتايتىن مەسەلە – ول بۋحگالتەرلٸك بالانسقا سٷيەنۋگە قاتىستى. ياعني, ولاردىڭ دەرەكتەرٸنە سٷيەنە وتىرىپ, مەلٸمەتتەردٸ نازارعا الۋ قارالىپ وتىر. ال شىنتۋايتىنا كەلگەندە, وسى بۋحگالتەرلٸك بالانستىڭ ٶزٸ كٶپ جاعدايدا ناقتى ەمەس جەنە كەسٸپتٸك دەڭگەيدە ەمەس. سوندىقتان قارجى مينيسترلٸگٸ بۇل مەسەلەنٸ ٶزدەرٸنٸڭ باقىلاۋىنان جٸبەرٸپ قويعاندىقتارىن, وسى ورايدا بۇل باعىتتاعى ەدٸسنامانى جاقسارتۋ قاجەتتٸگٸ تۋرالى ايتتىم. ٶيتكەنٸ بۋحگالتەرلٸك بالانسقا نەگٸزدەلسەك, وندا ول ناقتى قۇجات بولۋى كەرەك. ەرينە, ول ٶز تاراپىنان باقىلاۋعا جاتۋى تيٸس. مەملەكەت ٶز مٷمكٸندٸگٸمەن ونىڭ بارلىعىن باقىلايتىن كٷشٸ جوق, سوندىقتان وسى زاڭ جوباسىنا سونى باقىلايتىن جاعدايدى جاساۋىمىز كەرەك», - دەدٸ ٶكسٸكباەۆ مەجٸلٸس كۋلۋارىندا بەرگەن سۇحباتىندا.
دەپۋتات ەلٸمٸزدە بٸرقاتار ەكٸنشٸ دەڭگەيلٸ بانك بانكروتقا ۇشىراپ, جۇمىستارىن توقتاتقانىن دا ايتتى.
«سول بانكتەردە بٸزدٸڭ كۆازيمەملەكەتتٸك سەكتورىمىزدىڭ دەپوزيتكە سالعان قارجىلارى قالىپ وتىر. ول قارجى قايتارىلماسا, مەملەكەتكە زييان كەلتٸرٸلەدٸ. سوندىقتان بۇل تۇرعىدا زاڭ جوباسى اياسىندا ناقتىلايتىن قادامدار بار. ەرينە, زاڭ جوباسى جەتٸلگەن دەپ ايتا المايمىز. ونى پىسىقتاۋ كەرەك. جۇمىس توبى بۇنىڭ تٶڭٸرەگٸندە جۇمىس جاسايدى. بٸز ەلٸ ناقتىلايمىز. سەبەبٸ بٸز قازٸرگٸ الىپ كەلٸپ وتىرعان زاڭدى وسى قالپىمەن ٸسكە الۋعا بولادى دەپ ايتا المايمىز. بٸز ەندٸ جۇمىس ٸستەپ, وعان كٶپتەگەن ٶزگەرٸس ەنگٸزەمٸز. قازٸرگٸ ايتىلعان كٸشٸگٸرٸم سۇراقتاردىڭ تٶڭٸرەگٸندە دە ٷلكەن ٶزگەرٸستەر ەنگٸزۋ كٶزدەلٸپ وتىر», - دەدٸ ومارحان ٶكسٸكباەۆ.
