Banknot fabrikasynyń direktory Batyrbek Áljanov dúnieden ótti. Bul týraly Ulttyq bank Telegram-arnasynda estirtti, - dep habarlaidy Tengrinews.kz.
"Qazaqstan Respýblikasy Ulttyq Bankiniń Banknot fabrikasy" RMK Bas direktory Batyrbek Asylbekuly Áljanovtyń mezgilsiz qaitys bolýyna bailanysty Qazaqstan Ulttyq Bankiniń ujymy qaiǵyǵa ortaqtasyp, týǵan-týystary men jaqyndaryna qaiǵyryp kóńil aitady.
Batyrbek Asylbekuly aqyly men parasaty, qarapaiymdylyǵy men jaýapkershiligi, basshylyq ete biletin qarym-qabyleti úilesim tapqan asqan eńbekqor, jigerli jan edi", - delingen habarlamada.
Batyrbek Áljanov 30 jyl boiy Ulttyq Bank júiesinde jumys istep, ózin sheber uiymdastyrýshy ári óz printsipine adal basshy retinde kórsete bilgeni, sol qasietimen de senim údesinen shyǵyp, áriptester arasynda qurmetke ie bolǵany aityldy.
