بانكنوت فابريكاسىنىڭ ديرەكتورى باتىربەك ەلجانوۆ دٷنيەدەن ٶتتٸ. بۇل تۋرالى ۇلتتىق بانك Telegram-ارناسىندا ەستٸرتتٸ, - دەپ حابارلايدى Tengrinews.kz.
"قازاقستان رەسپۋبليكاسى ۇلتتىق بانكٸنٸڭ بانكنوت فابريكاسى" رمك باس ديرەكتورى باتىربەك اسىلبەكۇلى ەلجانوۆتىڭ مەزگٸلسٸز قايتىس بولۋىنا بايلانىستى قازاقستان ۇلتتىق بانكٸنٸڭ ۇجىمى قايعىعا ورتاقتاسىپ, تۋعان-تۋىستارى مەن جاقىندارىنا قايعىرىپ كٶڭٸل ايتادى.
باتىربەك اسىلبەكۇلى اقىلى مەن پاراساتى, قاراپايىمدىلىعى مەن جاۋاپكەرشٸلٸگٸ, باسشىلىق ەتە بٸلەتٸن قارىم-قابىلەتٸ ٷيلەسٸم تاپقان اسقان ەڭبەكقور, جٸگەرلٸ جان ەدٸ", - دەلٸنگەن حابارلامادا.
باتىربەك ەلجانوۆ 30 جىل بويى ۇلتتىق بانك جٷيەسٸندە جۇمىس ٸستەپ, ٶزٸن شەبەر ۇيىمداستىرۋشى ەرٸ ٶز پرينتسيپٸنە ادال باسشى رەتٸندە كٶرسەتە بٸلگەنٸ, سول قاسيەتٸمەن دە سەنٸم ٷدەسٸنەن شىعىپ, ەرٸپتەستەر اراسىندا قۇرمەتكە يە بولعانى ايتىلدى.
