QR Ulttyq banki Qarjylyq qyzmetterdi tutynýshylardyń quqyǵyn qorǵaý departamentiniń Fingramota jobasy bank kartasyn tonaýshylardyń tuzaǵyna túspeý joldaryn kórsetti, dep habarlaidy "Ult aqparat".
Internet alaiaqtary kóbinese ataqty internet dúkenderdiń kóshirme saitynda (fishing) júredi. Fishing saittarǵa kirgen adamdar óz kartalarynyń rekvizitterin qaldyrady. Karta rekviziti arqyly internet alaiaqtar sanaýly sekýndtarda shotyńyzdy bos qaldyrýy múmkin.
«Fishing saittardyń tuzaǵyna túsip qalmaý úshin tutynýshy internetti qoldaný, qorǵaý sharalary týraly az da bolsyn aqparat bilýi kerek. Internet dúken saitynyń adresi http:// dep emes, https:// dep bastalýy kerek. Eger saitta sizdiń jeke maǵlumattaryńyzdy, tólem kartasynyń CVV-kodyn surasa (kartanyń arǵy betindegi 3 tańbaly san) osy ýaqyttan-aq saitty jaýyp shyǵyp ketý kerek», - dedi habarlamada.
Kiberalaiaqtardyń quryǵyna túsip qalmaýdyń birneshe qarapaiym tásili bar. Esh jerde jeke maǵlumatty kórsetpeý, saittyń bezendirilýine mán berý, adres jolaǵynda siltemeniń durystyǵyn tekserý, https jelisin baqylaý, kúdikti hattardy filtrleý, bank akkaýnttaryna kirý úshin ashyq wi-fi qoldanbaý, jeke maǵlumatty eshkimge jariia etpeý kerek.
Sonymen qatar, alaiaqtar klientterge bank qyzmetkeri siiaqty habarlasyp, tólem kartasynda aqaý shyqqanyn, tez arada buǵatqa túsirý kerek ekenin aitady.
Sóitip karta iesinen kartanyń nómirin, rekvizitterin bilip alady. Sosyn uialy telefonyna kod kelgen jaǵdaida aityp berýin ótinedi.
Kodty alǵan soń olar internet bankingtegi nómirdi aýystyryp, shottaǵy aqshany alyp ketedi.
«Bul jaǵdaida birden áńgimeni toqtatyp, banktiń jeli ortalyǵyna habarlasý kerek. Eger bankten eshkim habarlaspaǵany anyqtalsa, tez arada bank bólimshesine baryp aryzdaný kerek. Bank qyzmetkerleriniń eshqashan birinshi bolyp karta týraly aqparat suraýǵa quqyǵy joq. Eger alaiaq siz týraly kóp maǵlumat biletin bolsa, sizdiń atyńyzdan tovar alyp, jańa shottar ashyp, nesie alýy da múmkin», - dedi departament qyzmetkerleri.
