2020 jyly bank júiesindegi depozitter 15,3 paiyzǵa ulǵaidy. Bul týraly Úkimet otyrysynda QR Ulttyq banki tóraǵasy Erbolat Dosaev aitty, dep habarlaidy "Ult aqparat".
«Bank júiesindegi depozitter 2020 jylǵy qarashanyń sońynda negizinen teńgemen salymdardyń ósýi esebinen jyl basynan beri 15,3 paiyzǵa ulǵaiyp, 21,9 trln teńge boldy», - dedi ol
Erbolat Dosaevtyń dereginshe, ulttyq valiýtamen salymdar 13,3 trln teńgege deiin 23,1 paiyzǵa artty. Ózge valiýtamen salymdar 2020 jylǵy qarashanyń sońynda 8,6 trln teńgeni qurap, 5,1 paiyz ósti.
«Nátijesinde depozitterdi dollarlandyrý deńgeii 2020 jylǵy qarashada 39,3 paiyzǵa deiin tómendedi»,- dedi UB tóraǵasy.
