Foto: ©Tengrinews.kz
Búgin, 18 maýsymda «Kaspi bank» AQ astanalyq bólimshesinde kepilge alynǵan 7 adam bosatyldy. Bul oqiǵa boiynsha qylmystyq is qozǵaldy, dep habarlaidy "Ult aqparat" Astana qalasynyń prokýratýrasyna silteme jasap.
«Saǵat 14:00 shamasynda buryn birneshe ret qylmystyq jaýapqa tartylǵan 1993 jylǵy Jambyl oblysynyń týmasy A. Mýradov (2013 jyldan beri esirtkige táýeldi adamdar esebinde tur) Dostyq 12 kóshesinde ornalasqan «Kaspi bank» AQ bólimshesin basyp alǵan.
Oqiǵa ornyna Ishki ister ministri, Astana qalasynyń ákimi, Bas prokýrordyń birinshi orynbasary jáne basqa da múddeli qyzmetter bardy. Japsarlas ornalasqan barlyq úiden turǵyndar dereý shyǵaryldy», - delingen habarlamada.
Prokýratýra málimetinshe, arnaiy operatsiia nátijesinde kepilge alynǵan barlyq adam bosatyldy. Sondai-aq qylmysker ustalyp, tergeý izoliatoryna qamalǵan.
«Bul fakti boiynsha Qylmystyq kodekstiń 261-baby 2-bóliginiń 4 jáne 8-tarmaqtarymen (Adamdy kepilge alý) sotqa deiingi tergep-tekserý bastaldy. Tergeý amaldary júrgizilip jatyr», - delingen vedomstvo habarlamasynda.
